صحتمند معاشرے میں کھیل اور میدانوں کا قیام ناگزیرہے، ہری رام کشوری لال

کراچی:صوبائی وزیر خوراک و اقلیتی امور ہری رام کشوری لال نے کہا ہے کہ کھیل صحت مند معاشرے کے لئے بہت ضروری ہیں۔

یہ بات انہوں نے میرپورخاص میں شہید محترمہ بے نظیر بھٹو اسٹیڈیم کے دورہ کے دوران گفتگو کرتے ہوئے کہی ۔صوبائی وزیر نے مزید کہا صوبائی حکومت نے سندھ بھر میں کھیلوں کے میدانوں کی بحالی کے لیے ریکارڈ ترقیاتی کام کیا ہے۔

مزید پڑھیں:پی ٹی آئی حکومت پنجاب کے ہر ضلعے میں یونیورسٹی بنائے گی۔فردوس عاشق اعوان

اس ضمن میں حکومت سندھ نے شہید محترمہ بے نظیر بھٹو اسٹیڈیم کی تزئین و آرائش کے لئے 4 کروڑ روپے مختص کئے ہیں جو دو مراحل میں پایہ تکمیل تک پہنچے گا ۔پہلے مرحلے میں اسٹیڈیم کی تزئین و آرائش پر 2 کروڑ روپے خرچ کئے جائیں گے، دوسرے مرحلے میں مزید 2 کروڑ روپے خرچ کئے جائیں گے۔

ان کا کہنا تھا کہ نئے مالی سال میں سندھ بھر کے میدانوں کی بہتری کے لیے مزید ترقیاتی کام کئے جائیں گے۔ اس مو قع پر اسٹیڈیم میں موجود کھلاڑیوں نے صوبائی وزیر ہری رام کشوری لال کا اسٹیڈیم کے میدان کی سطح ہموار کرنے پر آنے والے اخراجات کی ذاتی حیثیت میں ادا کرنے پر شکریہ بھی ادا کیا۔