گوگل نیوز پر ہمیں فالو کریںسندھ حکومت کے وژن اور آئی جی سندھ پولیس کی خصوصی ہدایت پر ڈرائیونگ لائسنس برانچ نے کراچی میں شہریوں کی سہولت کے لیے لرنر ڈرائیونگ لائسنس جاری کرنے والی دو موبائل وینز کا باضابطہ آغاز کر دیا ہے۔
ڈرائیونگ لائسنس سندھ کراچی کے ترجمان کے مطابق ان موبائل یونٹس کا ہفتہ وار شیڈول جاری کر دیا گیا ہے۔ اس اقدام کا مقصد شہریوں کے لیے لائسنس کے حصول کے عمل کو زیادہ آسان اور قابلِ رسائی بنانا ہے۔
ترجمان کے مطابق ستمبر میں اب تک 4,449 لرنر لائسنس جاری کیے جا چکے ہیں، جبکہ اکتوبر میں یہ تعداد بڑھ کر 5,327 ہو گئی۔ مجموعی طور پر ان موبائل وینز کے ذریعے اب تک 1,02,221 لرنر لائسنس جاری کیے جا چکے ہیں۔
