گوگل نیوز پر ہمیں فالو کریںکراچی: سندھ حکومت آج مالی سال 2024-25کے لیے بجٹ پیش کرنے کے لیے پوری طرح تیار ہے، جس کا تخمینہ 33 کھرب روپے ہے۔
بجٹ میں ترقیاتی منصوبوں، تنخواہوں اور دیگر مختلف شعبوں کے لیے مختص رقم شامل ہوگی۔ ایک اہم حصہ 959 ارب روپے جاری علاقائی ترقیاتی منصوبوں کے لیے تجویز کیا گیا ہے۔
حکومت پبلک سیکٹر کے ملازمین کی تنخواہوں میں 30 فیصد اضافہ تجویز کرنے کا منصوبہ رکھتی ہے، سندھ پولیس کے لیے 163 ارب روپے مختص کیے گئے ہیں۔ تعلیم کے شعبے کے لیے 322 ارب روپے مختص کیے جائیں گے جبکہ صحت کے شعبے کو 287 ارب روپے ملیں گے۔
بجٹ میں وفاقی حکومت سے 1900 ارب روپے ملنے کی توقع ہے اور اسے اپنے محصولات اور دیگر ذرائع سے 650 ارب روپے حاصل ہونے کی توقع ہے۔سندھ کے بجٹ میں عوام کیلئے مفت بجلی کا منصوبہ بھی شامل ہے۔
حکمران پیپلز پارٹی نے 2024-25 کے بجٹ کے مطالبات پر سمجھوتہ نہ کرنے کا اعادہ کیا۔ پارٹی چیئرمین بلاول بھٹو زرداری نے مذاکراتی ٹیم کو وفاقی حکومت کے ساتھ بات چیت کا مکمل اختیار دے دیا ہے۔
ذرائع کا کہنا ہے کہ پیپلز پارٹی حکومتی رویے سے مایوس ہے اور سمجھتی ہے کہ اس نے اپنے وعدوں پر عمل نہیں کیا۔ نتیجتاً پارٹی نے تصادم کی روش اختیار کرنے کا فیصلہ کیا ہے اور وہ حکومت کے غیر سنجیدہ رویہ کو مزید برداشت نہیں کرے گی۔
