گوگل نیوز پر ہمیں فالو کریںوفاقی وزیر برائے سائنس و ٹیکنالوجی فواد چوہدری نے کہا ہے کہ ہمیں خلاء میں ماحول کی حفاظت کے حوالے سے عالمی فریم ورک تشکیل دینے کی ضرورت ہے۔
سماجی رابطے کی ویب سائٹ ٹوئٹر پر اپنے پیغام میں وزیر سائنس و ٹیکنالوجی فواد چوہدری نے کہا کہ خلاء کا تعلق ہر انسان سے براہِ راست ہے جبکہ خلاء میں ماحول کی حفاظت پر سختی کی ضرورت ہے۔
وزیر سائنس و ٹیکنالوجی فواد چوہدری نے کہا کہ خلاء میں بھیجے جانے والے مشن کے حوالے سے ہمیں ملک میں سخت بین الاقوامی فریم ورک کا نفاذ عمل میں لانا چاہئے۔
Space belongs to every human,its as important as protecting the environment we need strict international framework on space missions. https://t.co/TPgpgbUsEk
— Ch Fawad Hussain (@fawadchaudhry) December 30, 2019
فواد چوہدری نے اپنے ٹویٹ کے ساتھ برطانوی میڈیا ویب سائٹ پر شائع اپنی ایک خبر کا لنک شیئر کیا جس کے مطابق بھارت کو خلاء میں موجود کاٹھ کباڑ کا ذمہ دار قرار دیا گیا ہے۔
یاد رہے کہ اس سے قبل وفاقی وزیر برائے سائنس و ٹیکنالوجی فواد چوہدری نے کہا کہ بھارت خلا میں ملبہ پھیلانے کا سبب بن رہا ہے جس پر عالمی تنظیموں کو نوٹس لینا چاہئے۔
ٹوئٹر پررواں ماہ اپنے پیغام میں وزیر سائنس و ٹیکنالوجی فواد چوہدری نے کہا کہ بھارت آہستہ آہستہ خلا میں ملبہ پھیلانے کا ایک بڑا ذریعہ بنتا جارہا ہے جس کا نوٹس لینا ضروری ہے۔
مزید پڑھیں: بھارت خلا میں ملبہ پھیلانے کا سبب ہے۔فواد چوہدری
