گوگل نیوز پر ہمیں فالو کریںوزیرِ اعلیٰ پنجاب مریم نواز کے بلیو اکانومی کو فروغ دینے کے منصوبے کے تحت صوبے میں بڑے پیمانے پر پروسیسنگ، اسٹوریج اور زرعی منصوبے تیار کیے جا رہے ہیں۔
صوبائی حکومت کی حکمت عملی کے مطابق مظفرگڑھ اور سرگودھا میں 5,300 ایکڑ رقبہ پروسیسنگ ملز، اسٹوریج سہولیات اور زرعی منصوبوں کے لیے مختص کیا جا رہا ہے اور یہ منصوبے تیزی سے آگے بڑھ رہے ہیں۔
یہ بھی پڑھیں:
مریم نواز کی خصوصی ہدایت پر لبرٹی مارکیٹ میں شاندار آتش بازی
اس وژن کے تحت مظفرگڑھ میں ایک شاندار پروجیکٹ بھی شروع ہو گیا ہے، علی پور میں “جھینگا اسٹیٹ” رہائشی منصوبہ 4,000 ایکڑ رقبے پر تعمیر کیا جا رہا ہے، جس کی نگرانی ڈائریکٹر ملک رمضان کر رہے ہیں۔
اسی دوران مظفرگڑھ کے شاہ گڑھ میں 400 ایکڑ اور علی پور میں 2,000 ایکڑ رقبہ جدید فارموں کے لیے تیار کیا جا رہا ہے، جن کے 2026 تک مکمل ہونے کی توقع ہے، جو علاقے میں زرعی جدیدیت اور شہری ترقی کے لیے ایک بڑی پیش رفت کی علامت ہے۔
اگلے سال کے آغاز میں مقامی فارمرز کو بھی اس منصوبے کا باقاعدہ حصہ بنایا جائے گا، ماہرین کا کہنا ہے کہ جھینگا اسٹیٹ کی تکمیل سے نہ صرف مقامی فارمرز کو فائیدہ ہو گا بلکہ مظفرگڑھ سے سالانہ ہزاروں میٹرک ٹن جھینگا بیرون ملک ایکسپورٹ کیا جا سکے گا۔
