سینیٹ کی قائمہ کمیٹی برائے انسانی حقوق آئی جی اسلام آباد کی استدعا مسترد کرتے ہوئے شہباز گل کے ڈرائیور کے اہل خانہ کیخلاف تمام مقدمات واپس لینے کی سفارش کردی۔

شہباز گل کے ڈرائیور کی فیملی سنیٹ کی انسانی حقوق کمیٹی میں پہنچ گئی۔ پولیس پر چادر اور چار دیواری کا تقدس پامال کرنے کا الزام عائد کیا۔

یہ بھی پڑھیں:

متاثرہ خاتون سائرہ کا کہنا تھا کہ ظلم کے اوپر خاموش نہیں رہنا چاہیے آواز اٹھانی چاہیے مین نے میری فمیلی نے آواز اٹھائی آج ہم یہاں پر پہنچے ہیں۔

آئی جی اسلام أباد نے الزامات بے بنیاد قرار دیتے ہوئے وضاحتیں پیش کیں اور زیر سماعت مقدمے پر سفارشات نہ دینے کی استدعا کی تاہم کمیٹی نے کہا کہ کچھ بھی ہو جائے انسانی حقوق کی پاسداری بہرحال سب سے پہلے ہے۔

لیگی سینیٹرمشاہد حسین کا کہنا تھا کہ اگر پی ٹی آئی دور حکومت میں انہوں نے زیادتی کی ہے ظلم کیا ہے تو وہ بھی غلط تھا اور اگر اس دور میں ہو رہا ہے تو بھی غلط ہے۔

چیئر پرسن انسانی حقوق کمیشن ربیعہ آغا کا کہنا تھا کہ جلیوں میں خواتین کو بچوں کے ساتھ حراست میں رکھا جانا سنجیدہ معاملہ ہے اس پر قانون سازی کی جائے، قائمہ کمیٹی نے اس حوالے سے جیلوں کا دورہ کرنے کا فیصلہ بھی کیا۔