گوگل نیوز پر ہمیں فالو کریںاسٹیٹ بینک پاکستان (ایس بی پی) نے ملکی زرمبادلہ کے ذخائر سے متعلق اعداد و شمار جاری کر دیئے، مرکزی بینک کے مطابق 5 ستمبر کو ختم ہونے والے کاروباری ہفتے کے دوران مجموعی ذخائر میں 2 کروڑ 14 لاکھ ڈالر کا اضافہ ریکارڈ کیا گیا۔
اسٹیٹ بینک پاکستان (ایس بی پی) کے جاری کردہ اعداد و شمار میں بتایا گیا ہے کہ 2 کروڑ 14 لاکھ ڈالر اضافے سے ملک کے مجموعی زرمبادلہ ذخائر کا حجم 19 ارب 68 کروڑ ڈالر تک پہنچ گیا ہے۔
Total liquid foreign #reserves held by the country stood at US$19.68 billion as of September 05, 2025.
For details: https://t.co/WpSgomnd3v
#SBPReserves pic.twitter.com/wtYEAza99k— SBP (@StateBank_Pak) September 11, 2025
اعداد و شمار کے مطابق اسٹیٹ بینک کے پاس موجود ذخائر میں 3 کروڑ 38 لاکھ ڈالر کا اضافہ دیکھا گیا جس کے بعد مرکزی بینک کے ذخائر 14 ارب 33 کروڑ ڈالر ہو گئے۔
اس کے برعکس کمرشل بینکوں کے پاس موجود ذخائر میں1 کروڑ 24 لاکھ ڈالر کی کمی ہوئی اور ان کے ذخائر 5 ارب 34 کروڑ ڈالر کی سطح پر آ گئے۔
ماہرین کے مطابق ذخائر میں یہ اضافہ بین الاقوامی ادائیگیوں، ترسیلات زر اور مالیاتی سرگرمیوں میں بہتری کا عندیہ دیتا ہے تاہم مجموعی طور پر ذخائر کی سطح اب بھی نازک سمجھی جا رہی ہے۔
