سنی لیون کی پسندیدگی میں اضافہ، انسٹاگرام فالوورز 5کروڑ سے تجاوز کرگئے

ممبئی: بالی ووڈ فنکارہ سنی لیون کی پسندیدگی میں اضافہ ہورہا ہے، اداکارہ کے انسٹاگرام فالوورز کی تعداد 5 کروڑ سے تجاوز کر گئی۔

سماجی رابطے کی ویب سائٹ ٹوئٹر پر اپنے انسٹاگرام فالوورز کی تعداد 5 کروڑ ہونے پر خوشی کا اظہار کرتے ہوئے اداکارہ سنی لیون نے کہا کہ میں سوشل میڈیا پر اپنے چاہنے والوں سے بہت خوش ہوں اور ان کا شکریہ ادا کرتی ہوں۔

  یہ بھی پڑھیں:

بھارتی عوام کا نازیبا گانے پر سنی لیون کو گرفتار کرنے کا مطالبہ

Woohoo!!! 50mil on Insta ????
I love you all so much my beautiful insta family!! Let’s party!!

Thank you so much!! https://t.co/MV4xKB2AgE pic.twitter.com/b18Dcc0PJy

— Sunny Leone (@SunnyLeone) January 20, 2022

بالی ووڈ اداکارہ سنی لیون نے فوٹو شیئرنگ پلیٹ فارم انسٹا گرام اور ٹوئٹر دونوں پر اپنی ایک مختصر ویڈیو شیئر کی جس میں انہیں 5 کروڑ سوشل میڈیا فالوورز کی خوشی میں رقص کرتے دیکھا جاسکتا ہے۔ مداحوں نے بھی اس پیغام پر خوشی کا اظہار کیا۔

 

View this post on Instagram

 

A post shared by Sunny Leone (@sunnyleone)

خیال رہے کہ سنی لیون کو بالی ووڈ میں انٹری پر بولڈ رولز دئیے گئے، تاہم وقت گزرنے کے ساتھ ساتھ ایک اداکارہ کے طور پر انہوں نے اپنے فن کا لوہا بھی منوایا اور راگنی ایم ایم ایس اور جسم کے علاوہ ویرما دیوی جیسی کریکٹر فلم میں بھی کام کیا۔

قبل ازیں دیگر بالی ووڈ فنکاروں کے علاوہ سنی لیون بھی عوامی تنقید کی زد پر آگئیں۔ انتہاء پسند ہندوؤں نے حال ہی میں ان کی گرفتاری کا مطالبہ کرتے ہوئے ایک گیت کے متعلق دعویٰ کیا کہ سنی لیون کی اداکاری سے ان کے جذبات مجروح ہوئے۔ 

سنی لیون کے نئے گانے ’مدھوبن میں رادھیکا ناچے‘ 1960 کا گانا ہے جس میں ہندو مت کے مذہبی عقائد کو اجاگر کیا گیا،تاہم گیت کو مبینہ طور پر اشتعال انگیز انداز میں دوبارہ فلمایا گیا، جس پر ہندو انتہا پسندوں نے اعتراض کیا۔