گوگل نیوز پر ہمیں فالو کریںبھارتی فلم انڈسٹری کے مشہور و معروف ڈیزائنر منیش ملہوترا نے اداکارہ کیارا ایڈوانی کے عروسی لباس سے متعلق حیران کُن انکشاف کیا ہے۔
7 فروری کے روز جیسلمیر کے عالیشان ہوٹل سوریا گڑھ پیلس میں کیارا ایڈوانی اور اداکار سدھارتھ ملہوترا شادی کے بندھن میں بندھے تھے جس میں دلہن کے عروسی لباس کی ہر طرف دھوم تھی۔
View this post on Instagram
کیارا ایڈوانی کا شادی کا لباس تیار کرنے والے ڈیزائنر منیش ملہوترا نے اپنی انسٹا پوسٹ کے ذریعے انکشاف کیا کہ کیارا کے عروسی لباس کو 200 کاریگروں نے 6700 گھنٹوں کی محنت سے تیار کیا۔
منیش ملہوترا کی انسٹا پوسٹ میں بتایا گیا ہے کہ خوبصورت عروسی جوڑے کے ساتھ تیار کی گئی خوبصورت ڈائمنڈ جیولری بھی منیش ملہوترا کلیکشن نے تیار کی تھی۔
مزید پڑھیں:فیکٹ چیک: کیا شاہ رخ خان کی فلم’پٹھان‘ نے 1000 کروڑ کا بزنس کرلیا؟
یاد رہے کہ اداکارہ کیارا ایڈوانی نے شادی کے روز پنک کلر کا خوبصورت عروسی لباس زیب تن کیا جس کے ساتھ کیارا کی گرین رنگ کی قیمتی ڈائمنڈ جیولری نے ان کی تیاری کو چار چاند لگادیے تھے، بالی ووڈ کی معروف جوڑی کے لئے ہر جانب سے نیک تمناؤں کا اظہار کیا گیا تھا۔
