گوگل نیوز پر ہمیں فالو کریںمشہور ہالی ووڈ اداکارہ سڈنی سوئینی ایک بار پھر تنازع کا شکار ہو گئیں، جب انہوں نے لاس اینجلس میں منعقدہ ویریٹی پاور آف ویمن تقریب میں چمکدار سی تھرو سلور گاؤن زیبِ تن کیا۔
اس لباس پر معروف ٹی وی میزبان اور تبصرہ نگار میگن کیلی نے شدید ردِ عمل دیا، یہ دعویٰ کرتے ہوئے کہ شاید اداکارہ کو گمراہ کر کے یہ لباس پہننے پر مجبور کیا گیا۔
میگن کیلی نے اپنے پروگرام دی میگن کیلی شو میں سوئینی کے لباس کو نامناسب قرار دیا اور کہا کہ، میں اس سے اتفاق نہیں کرتی۔ یہ لباس مکمل طور پر شفاف ہے اور تقریب کے لیے غیر موزوں تھا۔
انہوں نے مزید کہا کہ سڈنی کی جسمانی ساخت بے شک متاثر کن ہے، مگر یہ انداز حد سے تجاوز کر گیا ہے۔
کیلی نے اس موقع پر کِم کارڈیشیئن کے لباس کے انداز سے موازنہ کرتے ہوئے کہا، اس نے مجھے کِم کارڈیشیئن کی یاد دلائی، جو اکثر ضرورت سے زیادہ کھل کر دکھاتی ہیں، حالانکہ کشش ہمیشہ تھوڑا چھپانے میں ہوتی ہے۔
انہوں نے یہ بھی کہا کہ شاید سڈنی کو ان کے اسٹائلسٹ نے متاثر یا دباؤ میں لا کر یہ لباس پہننے پر راضی کیا۔ میں نے بھی کبھی جی کیو کے لیے فوٹو شوٹ کیا تھا، لیکن وہ لباس کبھی اتنا عریاں نہیں تھا۔
سڈنی جوان ہے، اور ممکن ہے کسی نے کہا ہو کہ ‘چلو کچھ نیا کرتے ہیں’ اور اس نے بھروسہ کر لیا۔
سڈنی سوئینی، جو اپنی دلیرانہ ریڈ کارپٹ لک کے لیے مشہور ہیں، نے اس تقریب میں اپنی نئی پلاٹینم ہیر اسٹائل اور نیچرل میک اپ کے ساتھ شرکت کی۔ ان کے ہمراہ مشہور شخصیات جیمی لی کرٹس، نیکول شریزنجر، وانڈا ساکس، اور کیت ہڈسن بھی موجود تھیں۔
سوئینی نے میڈیا سے گفتگو میں کہا کہ یوفوریا کے تیسرے سیزن کے اختتام پر ان کے لیے یہ لمحہ تلخ مگر یادگار ہوگا۔ یہ میرا پورا بیسواں عشرہ رہا ہے، یہ لوگ میری فیملی جیسے ہیں۔
ان کی یہ تقریب میں آمد اس وقت مزید وائرل ہوئی جب ایک دن قبل وہ 2025 ورلڈ سیریز میں دیکھی گئیں، جہاں وہ شائقین کے ساتھ بیٹھ کر ہاٹ ڈاگ کھاتے ہوئے کیمرے کی زد میں آئیں۔
اس موقع پر ان کے ساتھ باکسر کرسٹی مارٹن بھی موجود تھیں جن کا کردار سڈنی آنے والی بایوپک فلم کرسٹی میں ادا کریں گی۔
