گوگل نیوز پر ہمیں فالو کریںنیشنل ڈیٹا بیس اینڈ رجسٹریشن اتھارٹی (نادرا) کی جانب سے وفاقی اور پنجاب حکومت کے جاری کردہ اسلحہ لائسنسز کی تجدید کا عمل اب بہت آسان بنا دیا گیا ہے۔ پنجاب اور اسلام آباد کے شہری اب گھر بیٹھے آن لائن درخواست دے کر اپنا لائسنس بآسانی تجدید کروا سکتے ہیں۔
اسلام آباد اور پنجاب کے رہائشیوں کو آن لائن اسلحہ لائسنس کے لیے نادرا کی پاک آئی ڈی موبائل ایپ ڈاؤن لوڈ کرنی ہوگی جہاں وہ تجدید کی درخواست جمع کر سکتے ہیں۔
اگر کسی شہری کو اپنے نادرا پروفائل میں موجود موبائل نمبر یا ای میل ایڈریس تبدیل کرنا ہو تو وہ اپ ڈیٹ ایپ کھول کر پروفائل سیٹنگز میں جا کر موبائل ایڈٹ یا ای میل ایڈٹ کا آپشن استعمال کر سکتا ہے۔
نیا نمبر درج کرنے کے بعد ایک بار استعمال ہونے والا پاس ورڈ (OTP) بھیجا جائے گا جس کی تصدیق کے بعد نمبر کامیابی سے اپ ڈیٹ ہو جائے گا۔ ای میل ایڈریس اپ ڈیٹ کرنے کا طریقہ بھی بالکل ایسا ہی ہوگا۔
نادرا کا کہنا ہے کہ اگر شہری اپنے پروفائل سے ایک فعال موبائل نمبر منسلک رکھتے ہیں تو انہیں شناختی کارڈ، خاندانی رجسٹریشن اور دیگر اہم معلومات سے متعلق فوری اطلاعات موصول ہوتی رہیں گی۔
یہ سہولت خاص طور پر اُن افراد کے لیے مفید ہے جو لمبی قطاروں اور دفاتر کے چکر سے بچنا چاہتے ہیں۔
