گوگل نیوز پر ہمیں فالو کریںسیلیکون ویلی: دنیا بھر میں سب سے زیادہ مقبول میسیجنگ ایپلی کیشن ” واٹس ایپ ” کے فون کالز میں زبردست تبدیلی لائی گئی ہے۔
واٹس ایپ انتظامیہ کا کہنا ہے کہ اس تبدیلی کو صارفین بلاشبہ بہت زیادہ پسند کریں گے اور اس سے انہیں سہولتیں بھی زیادہ میسر آئیں گی یہ تبدیلی ایک نئے اور مفید فیچر کی صورت میں ہے۔
ویب سائٹ ویب بیٹا انفو کے مطابق ایپلیکیشن واٹس ایپ نے آئی او ایس بیٹا ورژن استعمال کرنے والے صارفین کے لیے کال کرنے اور موصول ہونے پر نیا انٹرفیس متعارف کروایا ہے۔
ویب سائٹ ویب بیٹا انفو کی جانب سے شیئر کردہ اسکرین شاٹ سے معلوم ہوتا ہے کہ نیا انٹرفیس ایپل کی انٹرفیس ایپلی کیشن سے مماثلت رکھتا ہے، اس انٹرفیس کے تحت اب صارف بہ آسانی کال کے دوران آپشنز ڈھونڈ سکے گا، اس کے علاوہ اسکرین کے نیچے رِنگ کا آپشن بھی موجود ہوگا۔
یہ نئی اپ ڈیٹ واٹس صارفین کے لیے مزید سہولت بھی لائی ہے، اگر آپ سے گروپ کالز مس ہو چکی ہیں تو آپ ان کے ساتھ دوبارہ شامل ہو سکیں گے۔
