گوگل نیوز پر ہمیں فالو کریںاسلام آباد :وزیراعظم عمران خان کے خلاف مشترکہ اپوزیشن کی طرف سے پیش کی گئی تحریک عدم اعتماد پر بحث کے لئے قومی اسمبلی کا اہم اجلاس آج ہو گا۔
قومی اسمبلی کا اجلاس شام 4 بجے پارلیمنٹ ہاؤس میں ہوگا۔ آج ہونے والے قومی اسمبلی کے اجلاس کا 24 نکاتی ایجنڈا جاری کر دیا گیا ہے۔
تحریک عدم اعتماد ایجنڈے میں چوتھے نمبر پر ہے۔ قومی اسمبلی میں اپوزیشن لیڈر شہباز شریف وزیراعظم کے خلاف تحریک عدم اعتماد پر بحث کا آغاز کریں گے۔
واضح رہے کہ وزیراعظم عمران خان کے خلاف تحریک عدم اعتماد 28 مارچ کو پیش کی گئی تھی۔
قومی اسمبلی میں اپوزیشن لیڈر شہباز شریف نے تحریک پیش کرتے ہوئے کہا تھا کہ میں وزیراعظم کے خلاف تحریک عدم اعتماد پیش کر رہا ہوں۔ یہ تحریک آئین کے آرٹیکل A-95 کے تحت پیش کی گئی تھی اور اس پر 161 ارکان نے دستخط کیے تھے۔
مزید پڑھیں:کابینہ اجلاس، اپوزیشن حکومت گرانے کی عالمی سازش کا حصہ ہے، وزیر اعظم
