گوگل نیوز پر ہمیں فالو کریںامریکا اور اسرائیل کی مشترکہ تباہ کن حملوں کے باوجود ایران اب تک حیران کن ثابت قدمی سے مزاحمت کر رہا ہے، کیا آپ جانتے ہیں اس کی کامیاب مزاحمت کی وجہ ایرانی فوج کی ایک خاص دفاعی حکمت عملی ہے؟ آئیے اس راز سے پردہ اٹھاتے ہیں۔
ایرانی فوجی حکمت عملی اور دفاعی نظام نے دشمن کی ہر کوشش کو ناکام بنانے میں اہم کردار ادا کیا ہے، جس سے ظاہر ہوتا ہے کہ ایران کی دفاعی پالیسی محض روایتی جنگ تک محدود نہیں بلکہ اسے انتہائی محتاط اور منفرد انداز میں تشکیل دیا گیا ہے۔
معروف تجزیہ کار اور کالم نگار عامر ہاشم خاکوانی نے ایران کی اس کامیاب مزاحمت کو اس کے مخصوص ڈی سینٹرلائز فوجی کمان اور موزیک ڈیفنس پالیسی کا نتیجہ قرار دیتے ہوئے اس حکمت عملی پر تفصیل سے روشنی ڈالی ہے۔
ایران کا منفرد موزیک ڈیفنس سسٹم
موزیک ڈیفنس کے تحت پورا دفاعی نظام چھوٹے، خودمختار یونٹس میں تقسیم کیا گیا ہے، تاکہ اگر مرکزی کمانڈ اینڈ کنٹرول سسٹم متاثر ہو جائے، تو بھی ہر یونٹ آزادانہ طور پر جنگ جاری رکھ سکے۔ ایران نے اکتیس خودمختار یونٹس قائم کر رکھے ہیں، ہر صوبے کے پاسداران انقلاب اسلامی یونٹ کی قیادت میں، جو ڈرون، بیلسٹک میزائل اور گوریلا جنگ کی کارروائیوں میں خودمختار ہیں۔
مزید برآں ایران نے موبائل میزائل لانچرز، زیر زمین میزائل بیسز، مقامی ملیشیا گروپس اور غیر روایتی جنگی تکنیکوں کو اپنایا ہے۔ ان تمام عناصر نے دشمن کے لیے کوئی واضح ہدف نہ چھوڑنے اور ہر حملے کے جواب میں فوری اور متحرک کارروائی یقینی بنانے میں مدد کی ہے۔
پانچ پلرز
ایرانی موزیک ڈیفنس کی یہ پانچ بنیادی ستونیں مقامی بااختیار کمانڈرز، موبائل میزائل یونٹس، انڈر گراونڈ میزائل شہر، مقامی ملیشیا گروپس، اور غیر روایتی جنگی حکمت عملی اس کی مزاحمت کی بنیاد ہیں۔
نتیجہ یہ ہے کہ ایران کی اس منفرد دفاعی حکمت عملی نے نہ صرف دشمن کی جارحیت کو محدود کیا ہے بلکہ اس کی مزاحمت کی طاقت اور مستقل مزاجی کو بھی واضح طور پر نمایاں کیا ہے، جسے بین الاقوامی ملٹری ماہرین بھی دلچسپی اور حیرت کے ساتھ دیکھ رہے ہیں۔
