اقوامِ متحدہ کا ترقی پذیر ممالک میں کرپٹو کرنسی کے خاتمے پر زور

اقوام متحدہ کے ذیلی ادارے نے ترقی پذیر ممالک میں کرپٹو کرنسی کے خاتمے پر زور دیا ہے۔

تفصیلات کے مطابق اقوام متحدہ کے ٹریڈ اینڈ ڈیولپمنٹ ادارے نے کہا ہے کہ کرپٹو جیسی کرنسی سے انفرادی اور اداروں کی سطح پر کچھ فوائد حاصل ہوئے تاہم یہ غیرمستحکم معاشی اثاثوں میں ہی شمار ہورہی ہے۔

اقوامِ متحدہ کی رپورٹ میں بتایا گیا ہے کہ ایسی کرنسیوں سے ہونے والے فوائد ان نقصانات کی وجہ سے اجاگر نہیں ہوسکے جو معاشی استحکام کو درپیش ہوتے ہیں۔

The use of cryptocurrencies rose during #COVID19, but @UNCTAD warns of the risk they pose to financial stability, domestic mobilization and the security of monetary systems in developing countries. https://t.co/55yHDVHxW9

— UN News (@UN_News_Centre) August 10, 2022

خیال رہے کہ کرپٹو کرنسی کا شمار ادائیگیوں کی انتہائی مقبول قسم میں ہوتا ہے۔ کرپٹو کرنسی کی ٹرانزیکشن ڈیجیٹل فارم میں کی جاتی ہے اور اس ٹیکنالوجی کو بلاک چین کہا جاتا ہے۔

یہ بھی پڑھیں:

ملک میں تیل گیس کی کمی، گھنٹوں لوڈ شیڈنگ سے عوام پریشان

کورونا وائرس کی شدید لہر کے دوران کرپٹو کا رجحان شدت اختیار کرگیا تھا۔ سال 2021 کے دوران دنیا کی 20 بڑی معیشتوں میں 15 میں کرپٹو کرنسی میں کاروبار کیا جارہا تھا۔

یوکرین کی معیشت کا 12.7 فیصد،روس 11.9 فیصد اور وینزیولا میں 10.3 فیصد کرپٹو کرنسی کا شئیر تھا۔ یہ بھی بتایا گیا کہ کرپٹو کرنسی کے غیر واضح نظام کے باعث یہ ترقی پذیر ممالک میں مقبول ہوئی۔

علاوہ ازیں ڈیجیٹل کرنسی مارکیٹ میں حالیہ نقصانات کے بعد یہ بات سامنے آئی کہ کرپٹو کرنسی کو روکنے کے کیا نقصانات ہوتے ہیں، تاہم اگر مرکزی بینک معاشی استحکام کے لیے اقدامات کرے تو مزید مشکلات ہوسکتی ہیں۔

رپورٹ میں مزید بتایا گیا کہ اگر کرپٹو کو ادائیگیوں کے لیے مرکزی حیثیت بھی حاصل ہوجائےتو ترقی پذیر ممالک کی معاشی خودمختاری خطرے میں بھی پڑسکتی ہے۔

اقوام متحدہ کے ادارے نے ترقی پذیر ممالک میں کرپٹو ایکس چینج کی ریگیولیشن، ڈیجیٹل والٹ اور کرپٹو کرنسی کی مکمل معاشی نگرانی پر زور دیا۔