دھمکی آمیز خط، سلمان خان نے ممبئی چھوڑدیا

واضح رہے کہ بھارتی گلوکار اور سیاستداں سدھو موسےوالا کے قتل کے چند روز بعد ہی بالی ووڈ کے معروف اداکارسلمان خان اور ان کے والد سلیم خان کو بھی دھمکی آمیز خط موصول ہوا۔

دوسری جانب اداکار سلمان خان دھمکی آمیز خط ملنے کے باوجود شوٹنگ پر نکلنے کے لیے تیار ہیں۔

تاہم دھمکی آمیز خط موصول ہونے کی وجہ سے اداکار سلمان خان اس وقت توجہ کا مرکز بنے ہوئے ہیں۔

یہ خط سلمان خان کے والد سلیم خان کے گارڈز کو ممبئی کے باندرا بینڈ اسٹینڈ پرومونڈے کی ساحلی پٹی کے قریب اس تفریحی مقام پر ملا، جہاں یہ دونوں باپ بیٹے صبح کی واک کے بعد سستانے کے لیے کچھ دیر بیٹھتے ہیں۔

 اس حوالے سے ممبئی پولیس نے اس گمنام خط کی وصولی کے حوالے سے نامعلوم افراد کے خلاف مقدمہ درج کرلیا۔

اس تمام صورتحال کے باوجود سلمان خان کو دوپہر میں کہیں سے واپس اپنے گھر آتے ہوئے دیکھا گیا۔

اس حوالے سے اطلاع یہ ہے کہ گینگسٹر لارنس بشنوئی جو سدھو موسےوالا کے قتل کا ذمہ دار ہے وہ سلمان خان کو راجستھان میں قتل کی دھمکی دے چکا ہے۔

واضح رہے کہ یہ پہلا موقع نہیں جب سلمان خان کو اس طرح کی دھمکیاں موصول ہوئی ہوں۔

 اس سے قبل بھی سلمان خان کو دھمکی آمیز کالز اور خط موصول ہوچکے ہیں۔