بھارت نے کورٹ آف انکوائری کے بعد “تکنیکی غلطی” سے پاکستان میں براہموس میزائل فائر ہونے کے واقعے پر 3 افسران کو برطرف کردیا۔

رواں سال 9 مارچ کو بھارت کی طرف سے پاکستان کی حدود میں میزائل فائرہوا تھا۔ پاکستان نے بھارت سے وضاحت طلب کی تھی اور مشترکہ تحقیقات کا مطالبہ کیا تھا تاہم بھارت نے واقعے کو ‘تیکنیکی غلطی’ قرار دیا تھا اور واقعے کی اعلیٰ سطح کی انکوائری کا حکم دیا تھا۔

یہ بھی پڑھیں:

ساہیوال میں زمین پر بڑا غبارہ آگرا، ہندی الفاظ پر مشتمل پیکٹ برآمد

اب بھارتی ائیرفورس نے کورٹ آف انکوائری کے بعد 3 افسران کو برطرف کردیا ہےجن میں ایک گروپ کیپٹن، ونگ کمانڈر اور اسکواڈرن لیڈر شامل ہیں۔

انکوائری کے مطابق غفلت اور لاپروائی برتنےکے الزام میں ان فوجی افسران کو برطرف کیا گیا ہے۔