میٹھا کھانے کے شوقین شہریوں کیلئے کراچی میں بھی منفرد فنل کیک متعارف

میٹھا کھانے کے شوقین شہریوں کیلئے کراچی میں انواع اقسام کی مٹھائیاں اور دیگر اشیاء موجود ہیں لیکن کراچی میں ایک ایسا کیک بھی ہے جس کوکھولتے ہوئے تیل میں آپ کی آنکھوں کے سامنے تیار کرکیاجاتا ہے اور اس پر آئسکریم ، چاکلیٹ، خشک میواہ جات ڈال کر شہریوں کو پیش کیا جاتا ہے۔

فنل کیک کیا ہے ،کراچی میں یہ فنل کیک کیسے متعارف ہوا اور کیسے تیار ہوتا ہے ، یہ سب جاننے کیلئے ایم ایم نیوز نے فنل کیک کے ایک مقام کاانتخاب کیا ہے۔یاسین آباد گلشن شمیم کے بالمقابل میں دی فور ایلیمنٹ کے نام سے قائم دکان پر لذیر فنل کیک تیار کیا جاتا ہے، اس دکان کے مالک واصف کا کہنا ہے کہ میں اے لیول گریجویٹ ہوں اور میں نے امریکا کے ایک میلے میں فنل کیک کھایا اور بہت کم قیمت میں اتنی لذیر چیز میں نے پہلی کبھی نہیں کھائی ہوگی اور جب میں پاکستان واپس آیا تو کراچی میں بہت تلاش کے باوجود مجھے کہیں فنل کیک نہیں ملا۔ ان کا کہنا ہے کہ میرے خیال میں کراچی میں کوئی بھی فنل کیک فروخت نہیں کرتا جس کی وجہ سے میں نے یہ کام شروع کیا۔فنل کیک کی تیاری اور اجزاء کے حوالے سے انہوں نے بتایا کہ میدے،دودھ اور انڈے کا آمیزہ تیار کرکے اس کو کھولتے ہوئے تیل میں پکایا جاتا ہے۔ ان کا کہنا ہے کہ تیل اس حد تک گرم ہوتا ہے کہ یہ آمیزہ 30 سے 40 سیکنڈز میں کیک کی شکل میں تیار ہوجا ہے۔

انہوں نے بتایا کہ تیل سے نکالنے کے بعد اس کیک کے اوپر چاکلیٹ اسپریڈلگاتے ہیں جو ہم خود گھر پر تیار کرتے ہیں اور اس کے بعد اس پر مختلف ذائقوں کی آئسکریم کے ساتھ ملاکر شہریوں کو پیش کرتے ہیں اور یہ فنل کیک 180 روپے سے 250 تک دستیاب ہے۔