گوگل نیوز پر ہمیں فالو کریںانسانی ذہن ہمیشہ سے ہی ایسی خوبصورتی کو تلاش کرتا آیا ہے جو منفرد اور حیرت انگیز ہو، اور اگر وہ خوبصورتی پہلی بار دیکھنے کو ملے تو اس کا لطف دوبالا ہوجاتا ہے۔ کچھ ایسے ہی جلوے دنیا بھر کے ستاروں نے میٹ گالا کے فلور پر بھی بکھیرے جہاں منفرد ملبوسات کی تصویری جھلکیوں نے فیشن کے دیوانوں کی آنکھیں خیرہ کر ڈالیں۔
تفصیلات کے مطابق پیر کے روز کاسٹیوم انسٹیٹیوٹ آف نیو یارک کے میٹروپولیٹن میوزیم آف آرٹ کے تعاون سے خیراتی کام کیلئے منعقد کی جانے والی فیشن کی منفرد ترین تقریب میٹ گالا منعقد ہوئی جسے فیشن کی دنیا کا سب سے بڑا ایونٹ سمجھا جاتا ہے۔
View this post on Instagram
غیر ملکی میڈیا کا کہنا ہے کہ ہمیشہ کی طرح رواں برس بھی ریڈ کارپٹ پر دنیا بھر کی مشہورومعروف شخصیات نے نرالی فیشن تھیم اور بولڈ انداز میں اپنے جلوے بکھیرے اور مختلف پوز دے دے کر اپنی تصاویر کھنچوائیں جنہیں سوشل میڈیا صارفین نے خوب سراہا۔
View this post on Instagram
امریکی شہر نیو یارک میں منعقد ہونےو الی میٹ گالا کی تقریب میں شرکت کیلئے امریکی اداکارہ سارہ پالسن 4مئی کو پہنچی تھیں، تقریب کی مرکزی تھیم کاسٹیوم آرٹ رہی جس کے دوران سارہ پالسن نے ڈالر گلاسز پہن کر اپنے مداحوں کو حیران کردیا۔
View this post on Instagram
یہاں صرف فلمی ستاروں نے ہی نہیں بلکہ مالدار لیکن مشہورومعروف فیشن آئیکونز نے بھی تقریب کا حصہ بن کر اپنے جلوے بکھیرے۔ بھارت کے کھرب پتی خاندان سے تعلق رکھنے والی ایشا امبانی بھی انہی ناموں میں شامل ہیں جنہوں نے بھارت سمیت دنیا بھر کے مداحوں کی توجہ حاصل کی۔
View this post on Instagram
کمسنی سے ہی شوبز کی دنیا میں قدم رکھنے والی امریکی گلوکارہ و اداکارہ سبرینا کارپینٹر نے بھی میٹ گالا کے فلور کو زینت بخشی۔ انہوں نے اپنے پاپ میوزک، دلکش آواز اور جدید اندازِ گائیکی سے مداحوں کو پہلے ہی اپنا دیوانہ بنا رکھا ہے اور خاص طور پر نوجوان نسل انہیں بے حد پسند کرتی ہے۔
View this post on Instagram
آسٹریلوی نژاد ہالی ووڈ اداکارہ نکول کڈمین کو شاندار اداکاری کے باعث عالمی شہرت یافتہ فنکارہ سمجھا جاتا ہے جنہوں نے متعدد فلموں اور ٹی وی ڈراموں میں نمایاں کرداروں سے شہرت حاصل کررکھی ہے۔ میٹ گالا میں ان کی شرکت نے فیشن ایونٹ کو چار چاند لگا دئیے۔
View this post on Instagram
اپنے منفرد کامیڈی اسٹائل کیلئے خاص شہرت رکھنے والی ریچل سینوٹ نے مزاحیہ فنکارہ اور رائٹر ہونے کا حق ادا کرنے کیلئے میٹ گالا کے فلور پر ببل گم کا غبارہ پھلا کر اپنے جلوے بکھیرے۔ ان کے مداح اور سوشل میڈیا صارفین بھی سیاہ لباس میں ان کی خوبصورتی کو سراہے بغیر نہ رہ سکے۔
View this post on Instagram
معروف اداکارہ این ہاتھوے نے بھی میٹ گالا میں اپنی شرکت یقینی بنائی۔ انہوں نے کئی بڑی فلموں میں یادگار کردار ادا کیے ہیں اور اکیڈمی ایوارڈ بھی اپنے نام کر رکھا ہے، ان کی اداکاری میں جذباتی گہرائی اور اسکرین پر مستحکم موجودگی ہی ان کی پہچان قرار دی جاتی ہے۔
لیزا نے سفید باڈی پیکنگ گاؤن پہن کر مداحوں کی توجہ حاصل کی اور اپنے سر کو ڈھانپنے کیلئے سفید گاؤن سے بنی ہوئی چھتری بھی تھام لی، جسے سوشل میڈیا صارفین کی توجہ کا مرکز قرار دیا جارہا ہے۔
دوسری جانب کیکے پامر نے میٹ گالا کے ریڈ کارپٹ پر اونچی سلٹ کے ساتھ آف شولڈر سرخ گاؤن پہن کر مداحوں کو مسحور کردیا۔ غیر ملکی میڈیا کا کہنا ہے کہ سوشل میڈیا پر ان کے جلوے نے تہلکہ مچا دیا ہے۔
