گوگل نیوز پر ہمیں فالو کریںراولپنڈی: آئی ایس پی آر کے مطابق آرمی چیف جنرل قمر جاوید باجوہ کو امریکی سیکرٹری دفاع مارک ایسپر نےٹیلیفون کیا جس میں مشرق وسطیٰ میں سیکیورٹی کی موجودہ صورتحال پر تبادلہ خیال کیا گیا۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف اور امریکی سیکریٹری دفاع کے درمیان ٹیلیفونک رابطہ ہوا جس میں امریکی سیکریٹری دفاع کاکہنا تھا کہ امریکا جنگ نہیں چاہتا لیکن اگر ضرورت پڑی توبھرپور قوت سے جواب دیاجائےگا۔
اس موقع پر آرمی چیف جنرل قمر جاوید باجوہ کاکہنا تھاکہ ہم موجودہ تناؤ کی صورتحال کاخاتمہ چاہتے ہیں اور خطےمیں امن کے لیے اٹھائے گئے تمام اقدامات کی حمایت کریں گے۔
“We would like situation to de-escalate & shall support all initiatives which bring peace in the region.We call upon all concerned to avoid rhetoric in favour of diplomatic engagement. We all have worked a lot to bring peace in the region by fighting against terrorism”,COAS.(2/3)
— DG ISPR (@OfficialDGISPR) January 8, 2020
انہوں نے کہا کہ تمام فریقین نے مل کر دہشت گردی کے خلاف جنگ میں کردار ادا کیا ہے اور خطے میں امن کے لیے بھی ہم نے اکٹھے کردار ادا کیا ہے، تمام فریقین سفارتی طریقے سے معاملات حل کریں۔
یہ بھی پڑھیں: پاکستان خطے میں مزید کسی جنگ کا حصہ نہیں بنے گا، وزیراعظم عمران خان
آرمی چیف کامزید کہنا تھا کہ ہم افغان مصالحتی عمل کی کامیابی کے لیے اپنا تعمیری کردار ادا کرتے رہیں گے اور نئے تنازعات میں جانے کے بجائے افغان امن عمل کو پٹڑی سے نہیں اترنے دیں گے۔
“We will continue to play our constructive part towards success of Afghan reconciliation process so that it doesn’t get derailed and region goes towards conflict resolution instead of new conflicts”, COAS.(3/3).
— DG ISPR (@OfficialDGISPR) January 8, 2020
