گوگل نیوز پر ہمیں فالو کریںبھارت کی حکمراں سیاسی جماعت بی جے پی کی خاتون رہنما نے مسلمان منیجر سے ہرزہ سرائی کرتے ہوئے کہا ہے کہ پاکستان تو بن گیا، اب چھاتی کیوں پیٹ رہے ہو؟ کیا یہاں اسلامی شریعت نافذ کرنی ہے؟ واقعے کی ویڈیو سوشل میڈیا پر وائرل ہوگئی۔
تفصیلات کے مطابق بی جے پی کی اقلیتی رہنما نازیہ خان نے ممبئی کے علاقے اندھیری میں لینز کارٹ کے ایک آؤٹ لیٹ کا دورہ کیا اور اس دوران پاکستان مخالف جذبات اور مذہبی منافرت پر مبنی جملے کہے۔ خاتون رہنما نے خود بھی تلک لگایا، ہندو عملے کو بلا بلا کر لگوایا اور نعرے بازی بھی کی۔
سماجی رابطے کی ویب سائٹ ایکس (سابقہ ٹوئٹر) پر وائرل ہونے والی ویڈیو میں دیکھا جاسکتا ہے کہ بی جے پی رہنما اسٹور کے عملے اور منیجر محسن خان سے سخت انداز میں سوال کرتے ہوئے کہتی ہیں کہ کمپنی ہندو ملازمین کو تلک، کلاوا اور دیگر مذہبی علامات کے استعمال سے روک رہی ہے۔
लेन्सकार्ट के तो विधिवत घोड़े लगे चले जा रहे….अब नाजिया खान ने खखेड़ दिया😝😜 pic.twitter.com/rsTj5RRNjI
— 𝗔𝘀𝗵𝘂𝘁𝗼𝘀𝗵 𝗕𝗿𝗶𝗷𝘄𝗮𝘀𝗶 (@VedicAshutosh) April 19, 2026
بی جے پی رہنما نے دعویٰ کیا کہ مسلمان منیجر اس لیے رکھا گیا تاکہ ہندو مذہبی روایات کو نشانہ بنایاجاسکے۔ مسلمان منیجر نے کہا کہ یہاں ہر کوئی اپنے مذہب پر عمل کرسکتا ہے۔ سوشل میڈیا صارفین نے بی جے پی رہنما کے طرزِ عمل پر واشگاف الفاظ میں نکتہ چینی کی۔ ایک صارف نے اسے کھلی ہراسانی قرار دیتے ہوئے لینس کارٹ کو شکایت درج کرانے کا مشورہ دیا۔
This is pure harassment. Lenskart should file a complaint and protect their employees. https://t.co/lRcybDQSyb
— Kaushik Raj (@kaushikrj6) April 20, 2026
دیگر سوشل میڈیا صارفین نے بھی اس واقعے پر کڑی تنقید کرتے ہوئے بھارت میں مسلمانوں کے ساتھ روا رکھے جانے والے سلوک پر نکتہ چینی کی۔ ایک اور سوشل میڈیا صارف نے کہا کہ اگر غریب طبقے کا ملازم مسلمان ہو تو بھارت میں اسے ہراساں کرنا اور دھمکانا آسان ہوجاتا ہے۔
She won’t barge into the office of Lenskart owner who made that policy because he’s a Hindu millionaire who will drag her ass to jail and then to court where she’ll be made to apologise.
It’s easy to harass and intimidate working class employees, especially if they’re Muslims. https://t.co/UoA7K0n776
— Catty (@CatWomaniya) April 20, 2026
ایک پاکستانی صارف نے بھارت میں مسلمانوں کی حالت زار پر افسوس کا اظہار کرتے ہوئے کہا کہ جب میں بھارت میں اس قسم کی ویڈیوز دیکھوں تو میں اللہ تعالیٰ اور پاکستان بنانے والے قائد اعظم محمد علی جناح کا شکریہ ادا کرتا ہوں۔
Every time I see videos like this from India, I say,
Thank you, Allah. Thank you, Jinnah 🇵🇰
— Mohsin Ali (@Mohsin_o2) April 20, 2026
