گوگل نیوز پر ہمیں فالو کریںصوبہ بلوچستان کے علاقے ڈیرہ بگٹی میں سوئی کے مقام پر پاکستان ہاؤس میں بلوچ ریپلکن آرمی (براہمداغ بگٹنی گروہ) کے بڑے کمانڈر وڈیرہ نور علی چاکرانی نے 100 سے زائد ساتھیوں سمیت ہتھیار ڈال دئیے ہیں۔واقعے کی ویڈیو سوشل میڈیا پر وائرل ہوگئی۔
تفصیلات کے مطابق وڈیرہ نور علی چاکرانی نے میر آفتاب بگٹی کی موجودگی میں ساتھیوں سمیت ریاست کے سامنے سرنڈر کردیا۔ اس موقعے پر تمام افراد سے ریاستِ پاکستان کے ساتھ وفاداری کا حلف بھی لیا گیا جبکہ اس موقعے پر موجود حکام نے ہتھیار ڈالنے کے فیصلے کو انتہائی حوصلہ افزا قرار دیا۔
حکام کا کہنا ہے کہ یہ اقدام نہ صرف ریاست اور قومی اداروں پر اظہارِ اعتماد ہے بلکہ وطن سے محبت، قیام امن اور ڈیرہ بگٹی میں تعمیر و ترقی کے عزم کی واضح علامت بھی ہے۔ ریاست کی آغوش میں واپسی کا فیصلہ ڈیرہ بگٹی کے ہر گھرانے کیلئے امید کی کسی نئی کرن سے کم نہیں۔
انسداد دہشتگردی پر مؤثر حکمت عملی،فتنہ الہندوستان کے دہشت گردوں نے ریاست کے سامنے ہتھیار ڈال دیئے
فتنہ الہندوستان بی آر اے کے کمانڈر وڈیرہ نور علی چاکرانی اور اس کے74ساتھیوں نے ریاست کے سامنے سرینڈر کر دیا
دہشت گرد کمانڈر وڈیرہ نور علی چاکرانی اور اس کے74ساتھیوں نےپاکستان ہاؤس… pic.twitter.com/BYmZ6DKYqg
— PTV News (@PTVNewsOfficial) December 6, 2025
اس موقعے پر پہاڑوں میں موجود دیگر فراریوں سے بھی ہتھیار ڈالنے کی اپیل کرتے ہوئے ہدایت دی گئی کہ وہ واپس قومی دھارے کا حصہ بن جائیں جبکہ ان کے بچوں اور آنے والی نسلوں کا مستقبل قیام امن سے منسلک ہے، نہ کہ تصادم اور بے یقینی سے، جبکہ اصل وقار اور عزت جنگ اور مزاحمت میں نہیں بلکہ امن اور اتحاد میں ہے۔
وقت آگیا ہے کہ ڈیرہ بگٹی کے لوگ مل کر ایک محفوظ، خوشحال اور ترقی یافتہ مستقبل کی بنیاد رکھیں۔ حکام کا کہنا ہے کہ ڈیرہ بگٹی اس وقت ہی حقیقی ترقی کی راہ پر گامزن ہوگا، جب اس کے تمام باشندے اتحاد و یگانگت کے ساتھ امن کا پرچم بلند کردیں۔ وزیر اعلیٰ بلوچستان میر سرفراز بگٹی سمیت دیگر شخصیات نے بھی اس اقدام کا خیر مقدم کیا۔
