گوگل نیوز پر ہمیں فالو کریںپاکستان کے معروف اسلامی بینک میزان بینک نے بین الاقوامی ایئر لائن اتحاد ایئر ویز کے ساتھ معاہدہ کیا ہے۔ اس معاہدے کے تحت میزان بینک کے ڈیبٹ کارڈ استعمال کرنے والے صارفین کو اتحاد ایئر ویز کی پروازوں پر خاص رعایتیں ملیں گی۔
معاہدے پر دستخط کی تقریب بینک کے ہیڈ آفس کراچی میں منعقد ہوئی جس میں میزان بینک اور اتہاد ایئر ویز کے سینئر حکام نے شرکت کی۔ میزان بینک کی جانب سے احمد علی صدیقی، گروپ ہیڈ کنزیومر فنانس جبکہ اتحاد ایئر ویز کی جانب سے احمد ظہور، جنرل مینیجر پاکستان نے تقریب میں شرکت کی۔ اس کے علاوہ بینک کے دیگر عہدیدار بھی موجود تھے۔
خصوصی رعایتیں اور فوائد
اس شراکت داری کے تحت میزان بینک کے ڈیبٹ کارڈ ہولڈرز اتحاد ایئر ویز کی پروازیں بک کرتے وقت اپنے کارڈ کا استعمال کرکے خصوصی رعایتی نرخوں سے فائدہ اٹھا سکیں گے۔ بینک اور ایئر لائن کے مطابق اس معاہدے کا مقصد صارفین کو سستا اور آسان سفر فراہم کرنا ہے تاکہ کاروباری اور تفریحی مسافروں دونوں کے لیے سفر زیادہ قابل رسائی اور آسان ہو جائے۔
بینک کا موقف
میزان بینک کے نمائندے کا کہنا ہے کہ بینک اسلامی مالیاتی اصولوں کے تحت خدمات فراہم کرتا ہے اور صارفین کو بہتر سہولیات اور اضافی فوائد دینے پر یقین رکھتا ہے۔ اس معاہدے سے بینک کا مقصد ہے کہ اپنے صارفین کو بینکاری کے ساتھ ساتھ سفری سہولیات بھی مہیا کی جائیں۔
