گوگل نیوز پر ہمیں فالو کریںپاکستانی ٹیکنالوجی ماہر اور سوشل میڈیا شخصیت وقار ذکاء نے اعلان کیا ہے کہ وہ ملک کے آئندہ عام انتخابات میں حصہ لیں گے۔ انہوں نے کہا کہ وہ اپنی سیاسی جماعت ٹیکنالوجی موومنٹ پاکستان (TMP) کے پلیٹ فارم سے الیکشن لڑ کر پارلیمنٹ تک پہنچنے اور بالآخر پاکستان کے وزیراعظم بننے کا ارادہ رکھتے ہیں۔
وقار ذکا کا کہنا ہے کہ ان کا مقصد ملک میں ٹیکنالوجی، جدید تعلیم، ڈیجیٹل معیشت اور نوجوانوں کے لیے روزگار کے مواقع بڑھانا ہے۔ انہوں نے دعویٰ کیا کہ اگر نوجوان طبقہ ان کے ساتھ کھڑا ہو جائے تو پاکستان کو ٹیکنالوجی کے میدان میں انقلاب کی طرف لے جایا جا سکتا ہے۔
Pakistani tech-entrepreneur Waqar Zaka says he wants to become the prime minister of Pakistan, will stand in elections in 5 years from the platform of Technology Movement Pakistan (TMP) to reach the Parliament @ZakaWaqar pic.twitter.com/NB6I7hvzW6
— Murtaza Ali Shah (@MurtazaViews) November 5, 2025
انہوں نے پاکستان مسلم لیگ نون، تحریک انصاف، ایم کیو ایم سمیت دیگر سیاسی پارٹیوں سے مایوس کارکنان کو دعوت دیتے ہوئے کہا کہ آئیں ہمارے ساتھ ملکر ملک کی بہتری کا سفر شروع کریں۔
وقار ذکا نے کہا کہ اگر الیکشن جیت کر وزیر اعظم نہیں بنا تو با عزت طریقے سے اپوزیشن میں بیٹھوں گا تاہم ابھی ہمارے پاس اتنے مالی وسائل نہیں ہیں کہ ہم پورے ملک سے الیکشن لڑ سکے۔
ان کے مطابق مستقبل کی سیاست ٹیکنالوجی کی بنیاد پر ہوگی اور وہ چاہتے ہیں کہ پاکستان بھی اسی سمت میں قدم بڑھائے۔
