گوگل نیوز پر ہمیں فالو کریںبھارتی پنجاب کے مشہور گلوکار ہرمن سدھو ایک کار حادثے میں جان کی بازی ہار گئے۔ بھارتی میڈیا کے مطابق 37 سالہ گلوکار گاڑی تیز رفتاری سے چلا رہے تھے کہ وہ ایک ٹرک سے جا ٹکرائے جس کے نتیجے میں وہ موقع پر ہی ہلاک ہوگئے۔
اہل خانہ کے مطابق ہرمن سدھو پٹیالہ واپس اپنے گاؤں منسا جا رہے تھے کہ اچانک یہ حادثہ پیش آیا۔ گاڑی میں لگنے والی شدت کے باعث ان کی لاش ناقابل شناخت ہوگئی۔ پولیس نے اسپتال میں شناخت کے لیے دستاویزات کا استعمال کیا اور اہل خانہ نے بھی گلوکار کی موت کی تصدیق کردی۔
انڈسٹری اور مداح ہرمن سدھو کی اچانک موت پر صدمے میں ہیں اور اہل خانہ سے تعزیت کا اظہار کر رہے ہیں۔ بھارتی میڈیا کے مطابق ہرمن سدھو کو پیر اور پیار گانوں کی وجہ سے شہرت حاصل ہوئی تھی۔
ان کے ساتھی گلوکاروں نے کہا کہ ہرمن سدھو محنتی اور تخلیقی صلاحیتوں کے مالک تھے، جس کی بدولت انہوں نے کم عمر میں ہی اپنی پہچان بنا لی تھی۔
پولیس حکام نے واقعے کی تحقیقات شروع کردی ہیں تاکہ حادثے کی وجوہات معلوم کی جا سکیں۔پولیس کے مطابق اسپتال میں ضابطے کی کارروائی کے دوران گلوکار کی شناخت دستاویز کی مدد سے ممکن ہوئی۔
