گوگل نیوز پر ہمیں فالو کریںقومی کرکٹ ٹیم کے سابق کپتان اور سوئنگ کے سلطان وسیم اکرم کی اپنی بیٹی سے 10 ماہ بعد ملاقات ہوئی جس کی ویڈیو سوشل میڈیا پر وائرل ہوگئی ہے۔
سماجی رابطے کی ویب سائٹ ٹوئٹر پر اپنے پیغام میں وسیم اکرم نے بیٹی سے 10 ماہ بعد ملاقات کی جذباتی ویڈیو شیئر کرتے ہوئے کہا کہ مجھے آخر کار 10 ماہ کی طویل جدائی کے بعد بیٹی سے ملاقات کا موقع مل گیا۔
پیغام میں قومی کرکٹ ٹیم کے سابق کپتان نے کہا کہ ایک دوسرے سے الگ رہتے ہوئے بھی میری اہلیہ نے 10 ماہ تک میری بیٹی کی پرورش کی، اس پر شنیرا اکرم کا شکر گزار ہوں۔ ویڈیو میں باپ بیٹی کو گلے ملتے دیکھا جاسکتا ہے۔
Finally seeing my daughter after 10 months apart! Thank you @iamshaniera for raising such a beautiful little princess while we have been apart #HappyDays #Australia pic.twitter.com/EbyCTOKzZp
— Wasim Akram (@wasimakramlive) September 4, 2021
خیال رہے کہ اِس سے قبل وسیم اکرم کی اہلیہ شنیرا اکرم نے فوٹو شیئرنگ پلیٹ فارم انسٹا گرام پر اپنی بیٹی عائلہ اکرم کی والد کے ہمراہ فوٹو شیئر کی جس میں عائلہ اپنے والد کے کندھوں پر بیٹھی نظر آئی۔
View this post on Instagram
شنیرا اکرم نے تصویر شیئر کرتے ہوئے کہا کہ میں نے وسیم اکرم اور عائلہ کو کیسے بتایا ہوگا کہ گزشتہ برس یہ تصویر لینے کے کچھ ہی عرصے بعد دونوں 10ماہ سے زائد عرصہ ایک دوسرے سے الگ رہیں گے؟
وسیم اکرم کی اہلیہ نے مزید کہا کہ عائلہ 5 ماہ بعد 7 سال کی ہوجائے گی۔ آخری بار اپنے والد کو گلے لگاتے ہوئے اس کی عمر صرف 5 سال تھی۔ بچی کا قد بڑھ گیا، پڑھنا لکھنا بھی سیکھ لیا ہے۔
View this post on Instagram
واضح رہے کہ وسیم اکرم اور شنیرا کی شادی آج سے 8 سال قبل ہوئی جس سے عائلہ اکرم کی پیدائش 2014 میں ہوئی۔ اسٹار کرکٹر وسیم اکرم کو کرکٹ سے ریٹائرمنٹ لیے 18سال ہوگئے تاہم ان کی شہرت میں آج تک کمی نہیں آئی۔
یہ بھی پڑھیں: سابق کپتان وسیم اکرم، اہلیہ اور بیٹی سے ملنے میلبورن پہنچ گئے
