ہمیں اپنی ثقافت کو مد نظر رکھ کر ٹک ٹاک بنانا چاہیے، حریم شاہ

کراچی:معروف ٹک ٹاک گرل حریم شاہ کا کہنا ہے کہ ٹک ٹاک بنانے والے بے حیائی سے گریز کریں، ہمیں اپنی ثقافت کو مد نظر رکھ کر ٹک ٹاک بنانا چاہیے، ہم جس معاشرے سے تعلق رکھتے ہیں اس کی ثقافت کو اجاگر کیا جائے تو ٹک ٹاک ایک مثبت کام کہلائے گا۔

ان خیالات کا اظہار انہوں نے آرٹس کونسل کی دعوت حلیم میں ایم ایم نیوز سے خصوصی گفتگو کرتے ہوئے کیا،حریم شاہ کا کہنا تھا کہ آرٹس کونسل میں آکر مجھے اچھا لگا، یہاں مجھے بہت پیار ملا ہے یہاں بہت پیار کرنے والے لوگ ہیں۔

ایک سوال کے جواب میں انہوں نے کہا کہ ٹک ٹاک پر پابندی مسئلے کا حل نہیں ہے، جو ہوا بہت عجیب ہوا،ٹک ٹاک ایس او پیز کے ساتھ ہو اس کے قوائد و ضوابط ہونے چاہیے۔ٹک ٹاک کو بند کرنے کے بجائے جو بے حیائی پھیلائے اسے سزا دینا چاہیے۔

https://www.facebook.com/mmnewsdottv/videos/345616050103119/

ایک اور سوال کے جواب میں انہوں نے کہا کہ جتنی اتھارٹیز اور متعلقہ ادارے ہیں انہیں چاہئیں کہ جو لوگ منفی حرکتیں اور جرائم کرتے ہیں ان کے خلاف کارروائی کریں۔ ناکہ ٹک ٹاک ہی بند کردیا جائے۔

انہوں نے کہا کہ ٹک ٹاک بناتے ہوئے اپنی جان اور زندگی کی حفاظت کرنا بھی ضروری ہے کیوں کہ جان اللہ تعالیٰ کی ایک بڑی نعمت ہے، ان چیزوں سے دور رہ کر ٹک ٹاک بنائیں جن سے زندگی کو خطرہ ہو۔اگر اپنی حدود میں رہ کر آپ کام کریں تو اس کے منفی اثرات مرتب نہیں ہوتے۔

حریم شاہ کا کہنا تھا کہ سوشل میڈیا پر کام کرنے والوں کا تعلیم یافتہ ہونا ضروری ہے۔جرائم اور منفی کاموں کو روکنے کے لیے تعلیم کا ہونا ضروری ہے۔تعلیم یافتہ لوگ یقیناََ اپنی جان ٹک ٹاک کے چکر میں خطرے میں نہیں ڈالیں گے۔