گوگل نیوز پر ہمیں فالو کریںلاہور: بھارتی بیس بال ٹیم نے 20 دسمبر سے 24 دسمبر تک اسلام آباد میں ہونے والے 15 ویں ویسٹ ایشیا بیس بال کپ میں شرکت کی تصدیق کر دی ہے۔
پاکستان فیڈریشن بیس بال کے صدر فخر علی شاہ کے مطابق بیس بال فیڈریشن آف ایشیا (BFA) نے 15ویں ویسٹ ایشیا بیس بال کپ کی میزبانی پاکستان کو دے دی ہے۔ یہ میگا ایونٹ 20 سے 24 دسمبر تک اسلام آباد میں ہوگا۔
ایونٹ میں بھارتی بیس بال فیڈریشن شرکت کی تصدیق کی ہے۔ بنگلہ دیش، سری لنکا اور فلسطین کی ٹیمیں پہلے ہی اپنی شرکت کی تصدیق کر چکی ہیں۔ نیپال اور ایران کو بھی مدعو کیا گیا اور امید ہے کہ وہ ایک دو ہفتے میں تصدیق کر دیں گے۔
پاکستان نے دوسری مرتبہ فارمیوو ویسپا ورلڈ یوتھ اسکریبل کپ جیت لیا
پاکستان فیڈریشن بیس بال کے صدر و بی ایف اے کے نائب صدر سید فخر علی شاہ نے میڈیا مینیجر پرویز احمد شیخ کو تفصیلات سے آگاہ کیا۔ انہوں نے کہا کہ اگلی سیف گیمز بھی پاکستان میں ہونا ہیں اور اس سے قبل ویسٹ ایشیا کپ کا پاکستان میں انعقاد بہت ضروری ہے۔چونکہ پاکستان کے علاوہ بھارت، نیپال اور سری لنکا بھی سیف کے ارکان ہیں اور اس ایونٹ سے پاکستان کی ٹیم کو ایشین گیمز کے لیے تیار کرنے میں بھی مدد ملے گی۔
سید فخر شاہ نے بتایا کہ پاکستان کی بیس بال ٹیم نے اکتوبر کے پہلے ہفتے پاناما میں ورلڈ بیس بال کلاسک کوالیفائر میں شرکت کی ہے، ویزہ جاری ہونے میں تاخیر اور باقی ٹیم کے عین میچ کے دن پہنچنے کے باوجود پاکستانی ٹیم نے بہترین کھیل کا مظاہرہ کیا اور کھلاڑیوں نے اپنے اچھے کھیل سے کوچز اور غیر ملکیوں کو بھی متاثر کیا۔
