گوگل نیوز پر ہمیں فالو کریںمعروف او ٹی ٹی پلیٹ فارم نیٹ فلکس پر دستیاب مقبول ترین ڈراموں کی بات کی جائے تو پاکستان اور بھارت کے ناظرین بھی اس وقت حیران رہ جاتے ہیں جب کورین سیریز بھارتی مواد کی مقبولیت کو بھی پیچھے چھوڑ کر آگے بڑھ جاتی ہیں جس کی وجہ کورین فنکاروں کی حقیقت پسندانہ ڈائیلاگ ڈلیوری، اچھوتی کہانی نگاری اور تجسس سے بھرپور کردار ہوتے ہیں۔
سوال یہ ہے کہ آج کل نیٹ فلکس پر عوام کیا دیکھ رہے ہیں اور ان کہانیوں میں سے کس کی کہانی میں کیا ہے تاکہ کورین ڈرامے دیکھنے والے ناظرین انہیں نیٹ فلکس پر دیکھنے سے قبل ان کے مواد کے معیار کا بہتر طور پر اندازہ کرسکیں، ٹاپ 10 ڈراموں کی فہرست مندرجہ ذیل ہے:
اسکوئڈ گیم سیزن 3
اسکوئڈ گیم سیزن 3دنیا بھر میں مقبولیت حاصل کرنے والی کورین سیریز کا فائنل سیزن ہے جس میں ناظرین کو شدید صدمے میں ڈال دینے والے سیریز کے تمام راز چھپے ہوئے ہیں۔ کہانی کے تمام کرداروں کو بہت آسان سی گیمز کیلنے کیلئے بھاری انعامی رقوم ملتی ہیں لیکن اگر ہار جائیں تو کھلاڑیوں کو واپس گھر بھیجنے کی بجائے قتل کردیا جاتا ہے۔
وین لائف گوز یو ٹینگرائنز
سال 2025 کی سب سے مقبول رومانوی سیریز میں ایک بہادر لڑکی اور ایک مضبوط لڑکے کو دکھایا گیا ہے جو عمر بھر زندگی کی مشکلات کا سامنا اور جدوجہد کرتے ہیں۔ یہ ایک جذباتی اور دل کو چھو لینے والی کہانی ہے جو محبت کی طاقت ثابت کردیتی ہے۔
دی ٹراؤما کوڈ ۔ ہیروز آن سیل
اس سیریز میں ایک مصروف ٹراما سینٹر میں ڈاکٹرز اور نرسز کی تیز رفتار زندگی دکھائی گئی ہے جہاں وہ شدید حادثات اور ایمرجنسی کیسز کا سامنا کرتے ہیں۔ جذباتی لمحات، مزاحیہ حالات اور مریضوں کی جان بچانے کی کوششیں سیریز کو دلچسپ بنا دیتی ہیں۔
کوین آف ٹیئرز
ایک امیر خاندان کی بیٹی اور ایک عام آدمی شادی کرلیتے ہیں جس کے بعد زندگی کا اصل بحران شروع ہوتا ہے۔ محبت، دھوکہ دہی اور خاندانی دباؤ دونوں کرداروں کو ایک دوسرے کی مدد سے اپنی محبت کو بچانے پر مجبور کرتا ہے۔ ڈرامے میں رومانوی سطح اور کہانی نگاری کو کافی پسند کیا گیا ہے۔
ویک ہیرو کلاس 2
ہائی اسکول کے طالب علم دوستوں کی حفاظت کیلئے طاقتور گینگز اور جرائم کی دنیا کا مقابلہ کرتے ہیں۔ یہ کہانی دوستی، بہادری اور اسکولوں کی گینگ وار کو بے نقاب کرتی ہے۔ اس کے ایکشن اور جذباتی لمحات اسے نوجوان طبقے کیلئے پسندیدہ سیریز بنا دیتے ہیں۔
ایکسٹرا آرڈینری اٹارنی وو
آٹزم سے متأثرہ کردار وو ینگ وو ایک ذہین وکیل کے طور پر اپنی زندگی کے چیلنجز کا سامنا کرتی ہے اور مشکل کیسز حل کرتی ہے۔ اس کی منفرد سوچ اور ٹیم سے تعلقات سیریز کو دلچسپ بنا دیتے ہیں۔ سیریز میں ذہنی صحت، دوستی اور انصاف جیسے معاملات کو اجاگر کیا گیا ہے۔
ونچینزو
کورین سیریز دیکھنے والوں نے کچھ ہی سال قبل ریلیز کی گئی سیریز ونچینزو ضرور دیکھی ہوگی، جو دیگر کورین سیریز سے ہر لحاظ سے مختلف نظر آتی ہے۔ ایک اطالوی مافیا وکیل اپنے خلاف سازش کرنے والوں کو انصاف کے کٹہرے میں لا کھڑا کرتا ہے۔ کہانی بدعنوانی اور انصاف کو دلچسپ انداز میں بیان کرتی ہے۔
کرما
ایک تاریک اور شدید نوعیت کے کرائم تھرلر میں سیریز کے کردار اپنے ماضی کے غلط فیصلوں اور بدلے کی آگ میں جلتے ہوئے مختلف جرائم انجام دیتے ہیں۔ دھوکہ، سازش اور اخلاقی جدوجہد اس سیریز کی کہانی کو مزید تشویشناک بناتی ہے۔ سیریز میں انسانی فطرت کے تاریک پہلو اجاگر کیے گئے ہیں۔
آور ان رِٹن سیول
دو بہنوں کی زندگیاں الٹ پلٹ جاتی ہیں جب وہ ایک دوسرے کی جگہ لے کر زندگی گزارتی ہیں اور محبت کے ساتھ ساتھ خاندانی راز اور شناخت کی جدوجہد جنم لیتی ہے۔ کہانی جذبات، رومانس اور زندگی کے ان دیکھے واقعات سے دلچسپ انداز میں متعارف کرواتی ہے۔
مرسی فار نن
ایک سابق گینگ ممبر اپنے بھائی کے قتلے کا بدلہ لینے کیلئے خطرناک دنیا کا ایک بار پھر رخ کرتا ہے جہاں پرتشدد لڑائیاں، انتقام اور ماضی کے راز اس سیریز کو مزید دلچسپ بنا دیتے ہیں۔ ناظرین کا ماننا ہے کہ یہ ایک سخت اور دل دہلا دینے والی کہانی ہے جسے دیکھنے والوں میں خوف پر قابو پانے کا حوصلہ ہونا چاہئے۔
