گوگل نیوز پر ہمیں فالو کریںبھارت میں مداحوں کے ہجوم کا اداکاراؤں کو گھیر کر ان کی سلامتی خطرے میں ڈالنے کا خوفناک رجحان نیا نہیں ہے، حال ہی میں ندھی اگروال کو پیش آئے ہوئے واقعے کی طرح ماضی میں بھی متعدد ہیروئنز اس کا شکار ہو چکی ہیں اور متعدد کو زخمی بھی کیا گیا۔
تفصیلات کے مطابق مداحوں کی حد سے بڑی ہوئی محبت کے باعث ندھی اگروال سے کی گئی بدسلوکی نے بالی ووڈک و ہلا کر رکھ دیا تھا۔ ماضی میں جن ہیروئن کے ساتھ ایسے واقعات پیش آئے، ان میں سشمیتا سین بھی شامل ہیں جن کا کئی بار ہوائی اڈوں اور تقریبات میں گھیراؤ کیا گیا۔
View this post on Instagram
بھارتی میڈیا کا ماننا ہے کہ ایک بار اداکارہ سشمیتا سین کے سابق بوائے فرینڈ روہمن شال نے انہیں جنونی مداحوں کی بھیڑ سے بچایا جب گوا کے ائیرپورٹ پر مداحوں نے سشمیتا سین کو گھیرا اور اسی طرح پونے میں بھی ہوا جب جیولری اسٹور کے افتتاح کے موقعے پر وہ ہجوم میں بری طرح پھنس کر رہ گئیں۔
View this post on Instagram
لندن میں ایک مداح کے ساتھ سیلفی کی تصویر نہ کھنچوانے پر معافی مانگتے ہوئے اداکارہ روینہ ٹنڈن نے کہا کہ مجھے اکیلے ہونے پر مردوں کے گروپ کے قریب جانے سے ڈر لگتا ہے۔ مداحوں کی بھیڑ کے ساتھ بات چیت کے متعلق اداکارہ کے اس اعتراف نے واضح کیا کہ جنونی مداحوں نے اداکاراؤں کو کتنا ہراساں کر رکھا ہے۔
View this post on Instagram
ایک بار مہاکنبھ کے میلے میں پہنچنے پر اداکارہ کترینہ کیف کو نیم برہنہ مردوں کے ہجوم نے گھیر لیا، جنونی مداحوں کے گروہ نے بالی ووڈ اداکارہ کے چہرے کے سامنے فون لہرادئیے جب وہ گنگا میں ڈبکی لگانے کی کوشش میں مصروف تھیں، اس واقعے سے بھی سوشل میڈیا صارفین میں تشویش کی لہر دوڑ گئی تھی۔
View this post on Instagram
حال ہی میں سائٹاڈل ہنی بنی میں ایکشن رول نبھانے والی سمانتھا رتھ پربھو بھی ایسی اداکاراؤں میں شامل ہیں جو ایک رٹیل آؤٹ لیٹ کے افتتاح کے موقعے پر ہراسانی کا شکار ہوئیں۔ ہجوم نے 2016 میں اداکارہ کی کار کو گھیر لیا اور کچھ شرپسندوں نے تو ان کی گاڑی کے ٹائر تک پنکچر کردئیے تھے تاکہ وہ جا ہی نہ سکیں۔
View this post on Instagram
یہاں یہ سمجھنا بھی ضروری ہے کہ بالی ووڈ اداکار اور اداکارائیں جنہیں عوامی جاگیر سمجھا جاتا ہے، وہ بھی انسان ہوتی ہیں اور ساتھ سیلفی کی صورت تصویر کھنچوانے سے لے کر آٹو گراف لینے تک مداحوں کی جتنی بھی سرگرمیاں ہیں، انہیں اداکاراؤں کی ذاتی حفاظت اور سلامتی پر ترجیح نہیں دی جاسکتی۔
