گوگل نیوز پر ہمیں فالو کریںعامر خان کے بھائی فیصل خان نے حال ہی میں ایک چونکا دینے والا دعویٰ کیا ہے کہ ’’لگان‘‘ اسٹار کے رینا دتہ شادی کے دوران برطانوی صحافی اور مصنفہ جیسیکا ہائنز کے ساتھ ناجائز تعلقات تھے۔ فیصل کا یہ بھی کہنا ہے کہ اس ناجائز تعلق سے ایک بچہ بھی پیدا ہوا۔
فیصل نے میڈیا سے گفتگو کرتے ہوئے کہا کہ عامر نے رینا سے شادی کے دوران جیسیکا ہائنز کے ساتھ رشتہ بنایا۔ ان کا ایک غیرقانونی بچہ تھا، جو شادی کے بغیر پیدا ہوا۔
جیسیکا ہائنز کون ہیں؟
مختلف رپورٹس کے مطابق برطانیہ میں مقیم صحافی اور مصنفہ جیسیکا ہائنز 1990 کی دہائی کے آخر میں بھارت آئیں تاکہ امیتابھ بچن کی سوانح عمری پر کام کر سکیں۔ اسی دوران ان کی ملاقات عامر خان سے ہوئی، جو فلم ’’غلام‘‘ کی شوٹنگ میں مصروف تھے۔
2005 میں فلمی رسالے ’’اسٹار ڈَسٹ‘‘ کی رپورٹ کے مطابق عامر خان اور جیسیکا ہائنز ایک دوسرے کے ساتھ رشتے میں تھے اور ساتھ رہتے بھی تھے۔ بتایا جاتا ہے کہ جیسیکا اس دوران حاملہ ہو گئیں۔ عامر نے اسقاطِ حمل پر زور دیا مگر جیسیکا نے بچہ پیدا کرنے کا فیصلہ کیا اور اپنے بیٹے کا نام ’’جان‘‘ رکھا۔
بعدازاں جیسیکا نے لندن کے ایک بزنس مین ولیم ٹالبوٹ سے شادی کر لی۔ تاہم نہ عامر اور نہ ہی جیسیکا نے کبھی ان خبروں پر کھل کر بات کی۔
عامر خان نے 1986 میں رینا دت سے شادی کی، جن سے ان کے دو بچے جُنیَد اور آئرا ہیں۔ دونوں نے 2002 میں علیحدگی اختیار کی۔
2005 میں عامر نے کرن راؤ سے شادی کی اور ایک بیٹا آزاد راؤ خان پیدا ہوا۔ یہ شادی بھی 2021 میں طلاق پر ختم ہوئی۔
فی الحال عامر خان بنگلورو کی رہائشی گوری اسپرٹ کے ساتھ رشتے میں ہیں۔
پیشہ ورانہ محاذ پر عامر خان حال ہی میں آر ایس پرسانا کی فلم ’’ستارے زمین پر‘‘ میں نظر آئے، جس میں جنیلیا ڈیسوزا، اوروش دتہ، گوپی کرشنا ورما، سموِت دیسائی، ویدانت شرما، آیوش بھنسالی، آشش پینڈسے، رشی شاہانی، رشبھ جین، نمن مشرا، ڈولی آہلووالیہ، برجندر کلا، دیپ راج رانا، نکھت خان اور سمرن منگیشکر نے بھی نمایاں کردار ادا کیے۔
