گوگل نیوز پر ہمیں فالو کریںاداکارہ سارہ علی خان نے تیلگو فلم انڈسٹری کے اداکار وجے دیوراکونڈا کے ساتھ ڈیٹ پر جانے کی خواہش ظاہر کردی۔
ہدایتکار کرن جوہر نے اپنے ٹی وی شو ’کافی ود کرن7‘ کا ٹیزر انسٹاگرام پر پوسٹ کیا ہے۔ ٹیزر میں دکھایا گیا ہے کہ بالی وڈ کی معروف اداکارائیں سارہ خان اور جھانوی کپور بطور مہمان شو میں شریک ہوئیں۔
View this post on Instagram
دوران شو کرن جوہر نے سارہ علی خان سے پوچھا کہ وہ کس کے ساتھ ڈیٹ پر جانا چاہیں گی؟ سارہ نے پہلے تو جواب دینے سے انکار کیا لیکن بعد ازاں وجے دیوراکونڈا کا نام لیا جس پر کرن نے کہا کہ وہ تو جھانوی کو پسند ہیں۔
ویڈیو میں دیکھا جاسکتا ہے کہ جھانوی سارہ خان کے وجے کا نام لینے پر خوش نظر نہیں آرہی ہیں جس کے بعد دونوں اداکارائیں پہلے تو حیران ہوئیں پھر مسکرانے لگیں۔
دوسری جانب کرن کی پوسٹ کو اداکار وجے دیوراکونڈا نے بھی اسٹوری پر شیئر کیا اور دونوں اداکاروں کے منہ سے اپنا نام سن کر خوشی کا اظہار بھی کیا۔
واضح رہے کہ اس سے قبل معروف بھارتی اداکارہ سارہ خان متعدد انٹرویوز میں یہ انکشاف کرچکی تھیں کہ کارتک آریان ان کے کرش ہیں اور وہ ان کے ساتھ ضرور کام کرنا چاہتی ہیں۔ بعد ازاں سارہ اورکارتک کو ایک ساتھ کام کرتے بھی دیکھا گیا۔
