گوگل نیوز پر ہمیں فالو کریںقاہرہ: حماس کے رہنما اسماعیل ہنیہ کی شہادت کے بعد خالد مشعل کو ممکنہ طور پر حماس کا نیا سربراہ بنائے جانے کا امکان ہے۔
اسماعیل ہنیہ کی شہادت کے بعدخلیل الحیا جیسی شخصیات سے ممکنہ مقابلے کے باوجود خالد مشعل سے حماس کی اعلیٰ قیادت سنبھالنے کی توقع ہے۔ خالد مشعل نے اپنی زندگی کا زیادہ تر حصہ فلسطینی علاقوں سے باہر گزارا ہے۔
اندرونی اور بیرونی چیلنجوں کے باوجودخالد مشعل حماس کے سیاسی منظر نامے میں ایک مرکزی شخصیت بنے ہوئے ہیں جنہوں نے گروپ کی سمت اور حکمت عملی کو مسلسل متاثر کیا ہے۔
کہا جاتا ہے کہ خالد مشعل 1997 میں اس وقت پوری دنیا میں مشہور ہوئے جب اسرائیلی ایجنٹوں نے اردن کے دارالحکومت عمان میں نشانہ بنایا۔
68 سالہ مشعل 1996 میں جلاوطنی میں حماس کے سیاسی رہنما بنے، جس سے وہ بین الاقوامی سطح پر اس گروپ کی نمائندگی کر سکے۔ اپنے پورے دور میں انہوں نے اسرائیل کے خلاف سخت گیر موقف برقرار رکھا۔
