ایلون مسک نے ویب سیریز ’دی رنگز آف پاور‘ کوتنقید کا نشانہ کیوں بنایا؟

ٹیسلا اور اسپیس ایکس کے بانی ایلون مسک نے ویب سیریز ’دی رنگز آف پاور‘ کو شدید تنقید کا نشانہ بنایا ہے۔

سماجی رابطے کی ویب سائٹ ٹوئٹر پر ایک پیغام میں ایلون مسک نے کہا کہ سوائے گیلیڈریئل کے ایمازون کی نئی سیریز کا ہر مرد کردار یا تو بزدل یا بے وقوف ہے۔

Tolkien is turning in his grave

— Elon Musk (@elonmusk) September 5, 2022

انہوں نے کہا کہ ٹالکین کو اس سیریز سے اپنی قبر میں تکلیف ہورہی ہوگی، واضح رہے کہ ٹالکین ’لارڈ آف دی رنگز‘ سیریز کے مصنف تھے۔

مبصرین ایلون مسک کی تنقید کو ان کی ایمازون کے بانی جیف بیزوس کے ساتھ پرانی دشمنی کا اشتعال قرار دے رہے ہیں۔

مسک اور بیزوس کئی برسوں سے تجارتی حریف ہیں چناں چہ ’دی رنگز آف پاور‘ پر ایلون مسک کی تنقید حیران کن نہیں ہے۔

خیال رہے کہ دونوں ارب پتی بزنس مین خلائی جہاز کی صنعت سے بھی وابستہ ہیں، مسک کی کمپنی ’اسپیس ایکس‘ اور بیزوس کی کمپنی کا نام ’بلیو اوریجن‘ ہے۔

دوسری جانب فلم ناقدین ’دی لارڈ آف دی رنگز‘ کے پریکوئل سیریز کو ایک شہکار قرار دے رہے ہیں اور سیریز کی پہلی دو اقساط کو صرف چوبیس گھنٹے کے دوران 25 ملین افراد نے دیکھا ہے۔