گوگل نیوز پر ہمیں فالو کریںنئی دہلی:ہندوستان کے وزیر دفاع راج ناتھ سنگھ نے نیشنل وار میموریل کمپلیکس میں ایک تقریب میں آرمڈ فورسز وار کیزولٹی ویلفیئر فنڈ(AFBCWF) کے لیے ماں بھارتی کے سپوت (MBKS) ویب سائٹ کا آغاز کیا۔
اُن کا کہنا تھا کہ یہ پروگرام ہمارے ہیروز کے لئے وقف ہے جن کی قربانیوں کی وجہ سے ہمارا ملک محفوظ ہے۔ آزادی کے بعد سے اب تک اس ساری صورتحال کو بیان کرنا مشکل ہے جس میں ہماری فوج کے بہادر جوانوں نے ملک کو محفوظ رکھا۔
بھارت امریکہ اور چین کے بعد، 2019 میں 71.1 بلین ڈالر کے اخراجات کے ساتھ، دنیا کا تیسرا سب سے بڑا فوج پر خرچ کرنے والا ملک بن کرسامنے آیا ہے۔
ایک رپورٹ میں، سویڈش تھنک ٹینک اسٹاک ہوم انٹرنیشنل پیس ریسرچ انسٹی ٹیوٹ (SIPRI) نے کہا کہ ہندوستان کے اخراجات میں 2018 کے مقابلے میں 6.8 فیصد اضافہ ہوا ہے اور ملک اپنے پہلے چوتھے مقام سے درجہ بندی میں اوپر آگیا ہے۔
بڑے پیمانے پر دفاعی بجٹ اور روس، جاپان، امریکہ اور دیگر ممالک سے دفاعی سازوسامان درآمد کرنے والے بڑے ممالک میں سے ایک ملک اب زخمیوں اور ہلاک ہونے والے فوجیوں کے اہل خانہ کے لیے چندہ جمع کرنے پر مجبورہوچکا ہے۔
یہ کچھ وجوہات ہیں جنہوں نے ہندوستان کو مسلح افواج کے لیے عوام سے چندہ جمع کرنے پر مجبور کیا ہے۔
چین کی سرحد پر کشیدگی:
ہندوستان کی اس وقت چین کے ساتھ اپنی سرحد پر کشیدگی ہے، سکم میں چینی لبریشن آرمی کے ساتھ 2020-21 کی جھڑپوں کی وجہ سے، نئی دہلی اس محاذ پر توجہ مرکوز کرنے اور اپنے بجٹ کی رقم اس محاذ پر خرچ کرنے پر مجبور ہے۔
ہمالیہ کے ایک متنازعہ سرحدی علاقے میں چینی افواج کے ساتھ جھڑپ میں کم از کم 20 ہندوستانی فوجی مارے گئے تھے۔ یہ واقعہ کشیدگی میں اضافے کے بعد پیش آیا اور یہ کم از کم 45 سالوں میں سرحدی علاقے میں پہلی ہلاکت خیز جھڑپ ہے۔
حالیہ ہفتوں کے دوران سرحد کشیدگی میں مزید اضافہ ہوگیا ہے۔
ہندوستان نے چین پر لداخ کی وادی گالوان میں ہزاروں فوجی بھیجنے کا الزام لگایا ہے اور کہا ہے کہ چین اس کے 38,000 مربع کلومیٹر (14,700 مربع میل) علاقے پر قابض ہے۔ گزشتہ تین دہائیوں میں مذاکرات کے کئی دور سرحدی تنازعات کو حل کرنے میں ناکام رہے ہیں۔
افغانستان میں ناکام پالیسیاں:
افغانستان پر طالبان کے قبضے کے بعد بھارت کی سرمایہ کاری ڈوب گئی اور وہ اربوں ڈالر خرچ کر کے پاکستان میں انتشار پھیلانے کے لیے جو کچھ کر رہا تھا وہ رائیگاں گیا۔ یہ بھی ایک وجہ ہے جس نے مودی حکومت کو فوجیوں کے لیے دوسرے مالی ذرائع پیدا کرنے پر مجبور کیا ہے۔
مقبوضہ کشمیر:
خاص طور پر مقبوضہ کشمیر کی خصوصی حیثیت ختم کرنے کے بعد وادی پر اپنی گرفت برقرار رکھنے کے لیے کشمیر میں 10 لاکھ فوجیوں پر بڑے پیمانے پر اخراجات بھی اس کی ایک وجہ ہے۔ 2022-23 میں، IN کو پچھلے سال کے بجٹ سے INR 33,253.55 کروڑ کے مقابلے میں INR 47,590.99 کروڑ کا ایک سرمایہ مختص کیا گیا ہے۔ بھارت کو کشمیری عوام کی طرف سے مزاحمت کا سامنا ہے جو اپنے حق خودارادیت کے لیے جدوجہد کر رہے تھے۔ آئی او کے میں بڑھتے ہوئے دفاعی اخراجات بھی نئی دہلی کو پریشان کر رہے ہیں۔
زیادہ دفاعی اخراجات نے ہندوستان کو مجبور کیا ہے کہ وہ لڑائیوں میں زخمی اور ہلاک ہونے والے فوجیوں کے لیے دوسرے ذرائع سے فنڈز جمع کرے اور یہ دنیا کی ان منفرد مثالوں میں سے ایک ہے جہاں کوئی ملک زخمیوں اور ہلاک ہونے والوں کے فوجی خاندانوں کی مدد کے لیے چندہ مانگ رہا ہے۔
