گوگل نیوز پر ہمیں فالو کریںبھارت کی ریاست اتر پردیش کے ضلع للت پور میں گھریلو جھگڑا اس وقت عوامی تماشہ بن گیا جب ایک خاتون نے سڑک پر اپنے شوہر کو سب کے سامنے تشدد کا نشانہ بنا ڈالا۔ یہ واقعہ اس وقت پیش آیا جب شوہر نے غصے میں آ کر بیوی کا موبائل فون توڑ دیا۔
بھارتی میڈیا کے مطابق میاں بیوی کے درمیان سڑک پر بحث ہوئی جس دوران شوہر نے بیوی کا موبائل چھین کر زمین پر دے مارا جس سے فون ٹوٹ گیا۔ فون کے نقصان پر غصے سے بپھری خاتون نے شوہر کے بال پکڑ کر اسے زوردار تھپڑ اور گھونسے مارنا شروع کر دیے۔
View this post on Instagram
اطلاع ملتے ہی پولیس موقع پر پہنچی اور میاں بیوی کو الگ کرنے کی کوشش کی لیکن دونوں میں جاری جھگڑا فوری طور پر ختم نہ ہو سکا۔
واقعے کی ویڈیو سوشل میڈیا پر تیزی سے وائرل ہو رہی ہے، جس میں دیکھا جا سکتا ہے کہ خاتون اپنے شوہر کو سرِعام مارتے ہوئے نظر آ رہی ہے جبکہ اردگرد موجود لوگ یہ منظر دیکھتے رہے۔
یہ خبر سوشل میڈیا پر بحث کا موضوع بن گئی ہے، جہاں کچھ صارفین نے خاتون کے ردعمل کو درست قرار دیا جبکہ دیگر نے عوامی مقامات پر اس قسم کے رویے کی مذمت کی۔
