گوگل نیوز پر ہمیں فالو کریںپاکستان کی شوبز انڈسٹری سے تعلق رکھنے والے معروف اداکارہ ہانیہ عامر اور گلوکار عاصم اظہر کے حوالے سے ایک بار پھر شادی کی خبریں گردش کررہی ہیں۔ شوبز ذرائع کے مطابق دونوں فنکار رمضان المبارک میں نکاح کرنے کا ارادہ رکھتے ہیں۔
ذرائع کا کہنا ہے کہ ہانیہ عامر اور عاصم اظہر کی جانب سے شادی کے حوالے سے ابتدائی تیاریوں کا آغاز کر دیا گیا ہے۔ اطلاعات کے مطابق یہ تقریب سادہ اور نجی نوعیت کی ہوگی جس میں محدود افراد شرکت کریں گے۔
سوشل میڈیا پلیٹ فارم انسٹا گرام پر صارف کی جانب سے نکاح سے متعلق پوچھے جانے والے سوال پر ہانیہ عامر نے کہا کہ نکاح جمعے کی نماز کے بعد ہوگا تاہم اس میں کوئی تاریخ واضح نہیں کی گئی ہے جبکہ ہانیہ عامر اور عاصم اظہر کی جانب سے اس خبر کی باضابطہ تصدیق یا تردید سامنے نہیں آئی تاہم شوبز حلقوں میں ان دونوں کے نکاح کی خبریں موضوعِ بحث بنی ہوئی ہیں۔
View this post on Instagram
واضح رہے کہ ماضی میں بھی دونوں فنکاروں کے تعلقات خبروں کی زینت بنتے رہے ہیں جس کے باعث ان کی ممکنہ شادی کی خبر کو مداحوں کی جانب سے خاصی توجہ حاصل ہو رہی ہے۔
گزشتہ سال دسمبر میں بھی جوڑے کی شادی کی افواہیں اڑائی گئیں تھی تاہم وقت کے ساتھ وہ افواہ ہی ثابت ہوئیں۔
