خواتین کے پردے سے متعلق اپنا بیان واپس لے لیں، آمنہ الیاس کاوزیر اعظم سے مطالبہ

پاکستانی اداکارہ آمنہ الیاس نے وزیر اعظم عمران خان کے عصمت دری کے واقعات میں اضافے کے حوالے سے خواتین کے لباس کو مورد الزام قرار دینے پرشدید غم و غصے کا اظہار کرتے ہوئے کہا ہے کہ آپ کو یو ٹرن لینے کا شوق ہے، اپنا بیان واپس لے لیں۔

آمنہ الیاس نے اپنے ویڈیو پیغام میں کہا ہے کہ مجھے لگتا تھا کہ آپ نریندر مودی یا ڈونلڈ ٹرمپ کی طرح بے حس نہیں ہیں اس لئے آپ کو ووٹ دیا تھا لیکن جتنا زور آپ نے عورتوں کی بے حیائی ثابت کرنے پر صرف کیا ہے اس سے آدھا وقت بھی قانون کے نفاذ پر لگایا ہوتا تو نتائج مختلف ہوتے۔

مزید پڑھیں: تارک مہتا کا الٹا چشمہ کی ببیتا بھی جنسی استحصال کا شکار، سنسنی خیز انکشاف

انہوں نے کہا کہ جناح اور بھٹو کے بعد آپ واحد وزیر اعظم ہیں جس کی بات عوام سنتے ہیں۔

 

View this post on Instagram

 

A post shared by Amna Ilyas (illy) (@aamnailyas)

آپ نے کہا ارطغر ل دیکھیں تو سب نے دیکھا، آپ نے کہا فلاں کتاب پڑھیں تو سب نے پڑھی لیکن شائد آپ کو اندازہ نہیں ہے کہ عصمت دری کے حوالے سے آپ کے بیان کے کیا اثرات مرتب ہونگے، آپ کو یوں بھی یوٹرن لینے کا شوق ہے تو اپنا یہ بیان بھی واپس لیں ۔