گوگل نیوز پر ہمیں فالو کریںمشہورومعروف اداکارہ زارا نور عباس نے مشہور غزل نیتِ شوق بھر نہ جائے کہیں گائی جس کی سوشل میڈیا پر ڈالی گئی ویڈیو وائرل ہوگئی ہے۔
تفصیلات کے مطابق اداکارہ زارا نور عباس نے گلوکاری سے اپنی گہری دلچسپی ظاہر کی ہے اور اپنی مختلف ویڈیوز ماضی میں بھی شیئر کیں جنہیں مداحوں کی بڑی تعداد نے سراہا۔اداکارہ کی نئی ویڈیو کو بھی مداحوں نے پسند کیا ہے۔
کیا نیٹ فلکس کی فلم ’مرڈر مسٹری 2‘ دیکھنی چاہیئے؟
ویڈیو کے ہمراہ اپنے انسٹاگرام پیغام میں زارا نور عباس کا کہنا ہے کہ میں کبھی یہ نہیں سمجھ سکی کہ میں موسیقی کے ساتھ یا اس کے آس پاس اپنی زندگی کو اتنا بھرپور کیوں محسوس کرتی ہوں۔ ایسا کیوں ہے کہ ذہن موسیقی کی طرف جاتا ہے؟
معروف اداکارہ زارا نور عباس نے کہا کہ ایسا کیوں ہے کہ جب بھی مجھے اپنے خیالات کو تفریح کی طرف لانا ہو تو ایک مختلف جہت میں جانا پڑتا ہے یا کسی سین میں جانے سے پہلے مجھے جذبات موسیقی سے ملتے ہیں؟
View this post on Instagram
اداکارہ زارا نور عباس نے کہا کہ میں نے محسوس کیا ہے کہ میری ذات موسیقی ہے جس کا مطلب یہ ہے کہ مجھے ان تمام آلات سے دوستی کرنی ہوگی جو مجھے اپنے قریب محسوس ہوتے ہیں۔ میں نے گٹار کے ساتھ سفر کا آغاز کردیا ہے۔
