گوگل نیوز پر ہمیں فالو کریںسرگودھا کے نواحی علاقے میں شدید دھند کے باعث ہولناک حادثہ پیش آگیا، جنازے میں شرکت کیلئے جانے والا منی ٹرک نہر میں جاگرا، جس کے نتیجے میں بچوں اور خواتین سمیت 14افراد جاں بحق جبکہ 9زخمی ہوگئے ہیں۔
تفصیلات کے مطابق جب یہ حادثہ پیش آیا، گلاپور بنگلہ نہر میں پانی موجود نہیں تھا، اس کے باوجود تیزرفتاری کے باعث بھاری جانی نقصان ہوا۔ حکام کا کہنا ہے کہ جاں بحق ہونے والوں میں 6 بچے، 5 خواتین اور 3 مرد شامل ہیں۔
حکام کا کہنا ہے کہ حادثے کے وقت ٹرک میں سوار 23افراد جنازے میں شرکت کیلئے جارہے تھے۔ ریسکیو ٹیموں نے جائے وقوعہ پر پہنچ کر امدادی کارروائی شروع کردی۔ لاشوں اور زخمیوں کو فوری طور پر ٹی ایچ کیو ہسپتال منتقل کردیا گیا ہے۔
کوٹ مومن کے علاقے میں گلاپور بنگلہ کے قریب پیش آنے والا یہ حادثہ تھانہ مڈھ رانجھا کی حدود میں رات پونے دو بجے پیش آیا۔ پولیس ذرائع کے مطابق متأۣثرہ خاندان راولپنڈی سے تعلق رکھتا ہے جو فیصل آباد میں اپنے ایک رشتہ دار کے جنازے میں شرکت کیلئے جارہا تھا۔
سرگودھا کوٹ مومن: گلاپور بنگلہ کے قریب المناک ٹریفک حادثہ،
ٹرک دھند کے باعث نہر میں جا گرا، 14 افراد جاں بحق، متعدد زخمی
حادثہ تھانہ مڈھ رانجھا کی حدود میں رات 1:45 بجے پیش آیا۔
پولیس ذرائع کے مطابق متاثرہ خاندان کا تعلق راولپنڈی سے تھا جو فیصل آباد اپنے ایک رشتہ دار کی فوتگی پر… pic.twitter.com/RSdJm33vtj— Shahid Hussain (@ShahidHussainJM) January 17, 2026
خیال رہے کہ رواں ماہ کے دوران پنجاب اور سندھ کے میدانی علاقوں میں شدید دھند کے باعث حادثات میں اضافہ ہورہا ہے۔ دھند کے باعث موٹر وے کو متعدد مقامات سے بند کردیا گیا۔ حکام نے عوام سے بلا ضرورت سفر نہ کرنے کی اپیل کی ہے۔
