گلگت بلتستان، ضلع نگر کی 4سالہ بچی نے اسکیٹنگ میں سلور میڈل جیت لیا

ہنزہ: گلگت بلتستان میں ضلع نگر سے تعلق رکھنے والی 4 سالہ بچی ماہ نور نے اسکیٹنگ میں سلور میڈل لے کر وطن کا نام روشن کردیا ہے۔

تفصیلات کے مطابق نگر کے قریب واقع وادئ ہنزہ میں سردیوں میں کھیلوں کے مقابلے (ونٹر اسپورٹس) رواں ماہ 17 سے 23 جنوری تک ہوئے جس میں بڑی تعداد میں کھلاڑیوں نے حصہ لے کر گولڈ اور سلور میڈلز اپنے نام کیے۔

یہ بھی پڑھیں:

پی ایس ایل 7: پشاور زلمی کے دو کھلاڑیوں کا کورونا ٹیسٹ مثبت آگیا

ضلع نگر میں واقع ہوپر ویلی کی 4سالہ ماہ نور نے آئس اسپیڈ اسکیٹنگ کے مقابلے کے دوران سلور میڈل حاصل کرکے دنیا کو حیران کردیا۔ نگر سمیت گلگت بلتستان کے رہائشی افراد نے ماہ نور کی نمایاں کارکردگی پر مسرت کا اظہار کیا۔

گلگت بلتستان میں اپنے قد سے دو گنا بڑے کھلاڑیوں کے ہمراہ سبز ہلالی پرچم لہرانے پر شائقینِ اسکیٹنگ نے ماہ نور کی حوصلہ افزائی کی۔ ماہ نور کے والد کا کہنا ہے کہ میری بیٹی کھیل سے جنون کی حد تک لگاؤ رکھتی ہے۔

چار سالہ بچی نے سلور میڈل جیت لیا۔ اس پر خوشی کا اظہار کرتے ہوئے ماہ نور کے والد نے کہا کہ دور دراز علاقوں کی بچیوں کو گھروں سے نکل کر کھیلوں میں حصہ لینا چاہئے۔ ماہ نور کی طرح انہیں بھی کامیابی ملے گی۔