راولپنڈی، کشتی الٹنے سے جاں بحق ٹیچر کی لاش برآمد، 4بچوں کی حالت تشویشناک

راولپنڈی میں کشتی الٹ جانے سے جاں بحق ٹیچر کی لاش برآمد کر لی گئی، پانی میں ڈوب جانے کے باعث ریسکیو کیے گئے 4 بچوں کی حالت تشویشناک بتائی جاتی ہے۔

تفصیلات کے مطابق نجی اسکول کے بچے 4 اساتذہ کے ہمراہ پکنک ٹرپ پر گئے۔ خان پور ڈیم میں تفریح کی غرض سے تیرنے والی کشتی ڈوب گئی جس پر 4ٹیچرز سمیت 35 بچے سوار تھے، طلبہ اور ٹیچرز کے ڈوبنے پر ریسکیو کا کام شروع کیا گیا۔

یہ بھی پڑھیں:

ٹھٹھہ، کشتیاں اُلٹنے سے ڈوبنے والے 2ماہی گیروں کی لاشیں نکال لی گئیں

کشتی پر سوار تمام بچوں کو ریسکیو کر لیا گیا ہے۔ ایک ٹیچر کی میت بھی برآمد کر لی گئی۔ ریسکیو کیے گئے بچوں میں سے 4 کی حالت تشویشناک ہے۔ ریسکیو کیے گئے افراد کو طبی امداد مہیا کرنے کیلئے ہسپتال منتقل کردیا گیا۔ 

خیال رہے کہ اس سے قبل  سندھ کے ضلع ٹھٹھہ میں کیٹی بندر کے قریب گہرے سمندر میں 3 کشتیاں الٹنے کے واقعے میں لاپتہ ہونے والے مزید 2 ماہی گیروں کی لاشیں نکال لی گئیں۔ریسکیو کی کارروائیوں میں پاک بحریہ نے حصہ لیا۔ 

آج سے 2 روز قبل پاک نیوی کے ہیلی کاپٹروں اور ہیوی بوٹس کے ذریعے 9 ماہی گیروں کی تلاش کے لیے سرچ اینڈ ریسکیو آپریشن کیا۔3 روز قبل تیز ہواؤں کے باعث حجامڑو کریک اور کائر کریک کے مقام پر 3 کشتیاں الٹ گئی تھیں۔ 46ماہی گیر لاپتہ ہوگئے۔