سعودی جیلوں سے رہائی پانے والے62 پاکستانیوں کی وطن واپس پرجشن کا سماں

اسلام آباد: عیدالاضحی سے ایک روز قبل سعودی عرب کی جیلوں سے رہائی پاکر وطن پہنچنے والے پاکستانی قیدیوں کی اسلام آباد ایئرپورٹ آمد کے موقع پر خوشی کا سماں بندھ گیا۔

اوورسیز پاکستانیز فائونڈیشن کے ایم ڈی عامر شیخ نے وزارت سمندر پار پاکستانیز و ترقی انسانی وسائل اور ادارہ کے سینئر افسران کے ہمراہ اسلام آباد ایئرپورٹ پر رہائی پانے والے62 پاکستانیوں کا استقبال کیا۔

پاکستانی قیدیوں کی آمد کے موقع پر اسلام آباد انٹرنیشنل ایئرپورٹ پاکستان زندہ باد کے نعروں سے گونج اٹھا اور انہوں نے موجودہ حکومت کی گرانقدر کوششوںکو زبردست انداز میں خراج تحسین پیش کیا۔

On my instructions, funds were arranged & a special flight brought back 62 prisoners from KSA today, so they could be back with their families for Eid. Helping Pakistanis in prisons abroad & assisting in their return to Pakistan is my govt's commitment to our people.

— Imran Khan (@ImranKhanPTI) July 20, 2021

اس حوالے سے وزیراعظم عمران خان نے بھی سماجی رابطے کی ویب سائٹ ٹویٹر پر اپنے پیغام میں کہاکہ یہ پاکستانی اپنے اہل خانہ کے ساتھ عید منا سکیں گے۔ بیرون ملک جیلوں میں پاکستانیوں کی مدد کرنا اور ان کی واپسی حکومت کی عوام سے وابستگی ہے۔ میری ہدایت پر فنڈز کا بندوبست کیا گیا اور خصوصی پرواز سے 62 قیدیوں کو واپس لایا گیا۔

مزید پڑھیں:قربانی کا جذبہ راہ راست سے بھٹکنے نہیں دیتا ہے،صدر ،وزیر اعظم

وفاقی وزیراطلاعات فواد چوہدری کا کہنا ہے کہ کسی بھی حکومت نے بیرون ملک پاکستانیوں کیلئے اس احساس کا مظاہرہ نہیں کیا جو عمران خان کرتے ہیں، ‏اب تک کئی ہزار لوگ بیرون ملک مصائب کا شکار تھے، وطن واپس پہنچ گئے ہیں۔

ایک ٹویٹ میں انہوں نے کہا کہ کسی بھی حکومت نے بیرون ملک پاکستانیوں کیلئے اس احساس کا مظاہرہ نہیں کیا جو عمران خان کرتے ہیں۔ ان خاندانوں کی عید کی خوشیاں وزیر اعظم کی ذاتی کاوشوں کا ثمر ہیں۔ اب تک کئ ہزار لوگ جو بیرون ملک مصائب کا شکار تھے وطن واپس پہنچ چکے ہیں۔