امریکی گلوکارہ ٹیلر سوئفٹ کو ہراساں کرنے پر ایک شخص گرفتار

نیو یارک: امریکی گلوکارہ ٹیلر سوئفٹ کو دھمکانے اور ہراساں کرنے کے الزام میں ایک شخص جوشوا کرسچن کو گرفتار کیا گیا ہے۔واقعے کی اطلاع ٹیلر سوئفٹ کی جانب سے سکیورٹی اہلکاروں نے دی۔ 

تفصیلات کے مطابق ملزم جوشوا کرسچن پرالزام ہے کہ اس نے ٹیلر سوئفٹ کے مین ہٹن میں واقع اپارٹمنں میں آ کر امریکی گلوکارہ کو نقصان پہنچانے کی دھمکیاں دیں۔رپورٹ موصول ہونے پر این وائی پی ڈی (نیو یارک پولیس ڈپارٹمنٹ) حرکت میں آگیا۔

یہ بھی پڑھیں:

برطانوی گلوکارہ مداحوں کیلئے فکر مند، لائیو کنسرٹ 4 بار روک دیا

این وائی پی ڈی نے ملزم کو گرفتار کر لیا۔ جوشوا کرسچن پر الزام ہے کہ اس نے جمعے کے روز امریکی گلوکارہ کا تعاقب بھی کیا جس کے نتیجے میں پولیس ملزم کے گھر پر جا پہنچی۔

امریکی میڈیا رپورٹس کے مطابق ملزم نے ٹیلر سوئفٹ کے گھر کے باہر آ کر انٹرکام بیل بجائی اور دھمکی دی کہ اگر گھر آنے سے روکا گیا تو وہ امریکی گلوکارہ کو نقصان پہنچا دے گا۔

تاحال یہ واضح نہیں ہوسکا کہ معروف گلوکارہ ٹیلر سوئفٹ ملزم کی دھمکیوں اور گھر میں گھسنے کی کوشش کے دوران اپنے گھر پر تھیں یا نہیں جبکہ واقعے کی اطلاع ان کی سکیورٹی ٹیم نے پولیس کو فراہم کی۔