ڈالر کی قیمت میں اضافہ، نئی قیمت 222روپے 50 پیسے ہوگئی

کراچی: بدھ کے روز امریکی ڈالر کی قیمت میں اضافہ ریکارڈ کیا گیا ہے، ڈالر کی نئی قیمت 222 روپے 50 پیسے ہوگئی۔

فاریکس ڈیلرز ایسوسی ایشن کے مطابق آج کاروباری اوقات کے دوران  ڈالر کی خرید 220 روپے جبکہ فروخت 222 روپے 50 پیسے پر کی جارہی ہے۔

یہ بھی پڑھیں:

ڈالر پھر بے قابو، قیمت میں دو روپے سے زائد کا بڑا اضافہ

آج سے 1 روز قبل بھی انٹر بینک مارکیٹ میں کاروبار کے دوران ڈالر کی قدر میں اضافہ ریکارڈ کیا گیا تھا۔

منگل کے روز انٹر بینک مارکیٹ میں ڈالر کی قیمت میں 1 روپے 5 پیسے کا اضافہ ہوا جس کے بعد ڈالر 217 روپے 70 پیسے پر ٹریڈ کر رہا تھا۔ 

دو روز قبل ملکی تبادلہ منڈیوں میں ڈالر کے مقابلے میں روپیہ ایک بار پھر گراوٹ کا شکار ہوگیا۔ اسٹیٹ بینک کا کہنا تھا کہ ڈالر کی قیمت میں اضافہ ہورہا ہے۔ 

اسٹیٹ بینک کے مطابق انٹر بینک میں پیر کے روز ڈالر کے بھاؤ میں دو روپے ایک پیسہ اضافے کے بعد ڈالر 216 روپے 66 پیسے کی سطح پر پہنچ گیا ہے۔