گوگل نیوز پر ہمیں فالو کریںسابق صدر آصف علی زرداری طبیعت خرابی کے باعث اسپتال میں داخل ہیں، جن کے بارے میں سوشل میڈیا پر اس قسم کی خبریں گردش کررہی ہیں کہ انھیں مہلک پلورل فیوژن کی تشخیص ہوئی ہے۔
سوشل میڈیا پر چلنے والی خبروں کے مطابق یہ اسٹیج 4 کا کینسر ہے جو کہ قابل علاج نہیں ہے، جس میں مریض کے پھیپھڑوں میں پانی بھر جاتا ہے اور شدید تکلیف ہوتی ہے۔
تاہم ، آصف علی زرداری کے معالج ڈاکٹر عاصم حسین نے اِن خبروں پر اپنے ردعمل کا اظہار کیا ہے، انہوں نے کہا کہ آصف علی زرداری کی طبیعت میں مزید بہتری آرہی ہے۔
Today mr asif ali Zardari is much better and improving hale and hearty undergoing pulmonary physio
— Dr. Asim Hussain (SI, NI) (@iDrAsim) October 7, 2022
ڈاکٹر عاصم حسین نے بتایا کہ سابق صدر کے نظام تنفس کی فزیو کی جارہی ہے۔
ٹوئٹر پیغام میں داکٹر عاصم نے کہا کہ سوشل میڈیا پر آصف علی زرداری کی بیماری سے متعلق جو بھی رپورٹس گردش کررہی ہیں وہ تمام جھوٹی ہیں اور بہت جلد انھیں اسپتال سے ڈسچارج کردیا جائے گا۔
Being personal physician of mr ASIF Ali Zardari. I would like to state that all his reports circulating are fake he is in good health and will be discharged in few days
— Dr. Asim Hussain (SI, NI) (@iDrAsim) October 6, 2022
خیال رہے کہ سابق صدر آصف علی زرداری کو صحت کی خرابی کے باعث 27 ستمبر کو کلفٹن کے نجی اسپتال منتقل کیا گیا تھا اور وہاں ان کے پھیپھڑوں کا پروسیجر کیا گیا۔
سابق صدر ایک ماہ سے علیل ہیں جبکہ ڈاکٹر عاصم کی سربراہی میں اسپیشلسٹ ڈاکٹروں کا بورڈ سابق صدر کا معائنہ کر رہا ہے۔
