گوگل نیوز پر ہمیں فالو کریںبلوچستان کے دارالحکومت کوئٹہ اور گردونواح میں ایک مرتبہ پھر زمین لرز اٹھی، جب اتوار کی شب زلزلے کے شدید جھٹکوں نے شہریوں کو خوفزدہ کر دیا۔
زلزلہ پیما مرکز کے مطابق زلزلے کی شدت 5.0 اور گہرائی 25 کلومیٹر ریکارڈ کی گئی، جبکہ اس کا مرکز کوئٹہ سے 65 کلومیٹر مغرب میں تھا۔ اچانک آنے والے جھٹکوں کے باعث کوئٹہ، مستونگ، قلات اور چمن سمیت کئی علاقوں میں لوگ خوف کے باعث گھروں اور عمارتوں سے باہر نکل آئے۔
غریبوں کی سستی سواری بھی مہنگی ہوگئی! پاکستان ریلوے نے ٹرین کے کرائے بڑھا دیئے
ابتدائی اطلاعات کے مطابق اب تک کسی جانی یا مالی نقصان کی اطلاع موصول نہیں ہوئی، تاہم زلزلے کے بعد شہریوں میں شدید خوف و ہراس پایا جاتا ہے۔
یہ پہلا موقع نہیں کہ کوئٹہ زلزلے کے جھٹکوں سے لرزا ہو۔ گزشتہ ماہ بھی صوبے کے مختلف علاقوں، خصوصاً سبی اور خضدار میں 4.7 شدت کے زلزلے نے زمین کو ہلا دیا تھا، جس کے باعث متعدد گھروں میں دراڑیں پڑ گئیں اور لوگ خوفزدہ ہو کر کھلے مقامات پر جمع ہو گئے تھے۔
ماہرین کے مطابق بلوچستان زلزلوں کے لحاظ سے ایک فعال فالٹ لائن پر واقع ہے، اسی وجہ سے یہاں چھوٹے بڑے زلزلے وقفے وقفے سے آتے رہتے ہیں۔ مقامی حکام نے شہریوں کو ہدایت کی ہے کہ کسی بھی آفٹر شاک کی صورت میں کھلے میدان میں رہیں اور غیر ضروری طور پر عمارتوں کے قریب جانے سے گریز کریں۔
