گوگل نیوز پر ہمیں فالو کریںکراچی کے مختلف علاقوں میں بجلی کی ترسیل کے نظام کی بہتری اور ضروری مرمت کے کام کے باعث 15 مئی 2026 بروز جمعہ مینٹیننس شٹ ڈاؤن کیا جائے گا۔ اس دوران متعدد فیڈرز سے بجلی کی فراہمی عارضی طور پر معطل رہے گی۔
کے الیکٹرک کے جاری کردہ اعلامیے کے مطابق متاثرہ علاقوں میں المدینہ گودھرا کالونی، الفا برادرز، الوطن، باجوا ہاؤس آر ایم یو، بفر زون پمپ، کوڈ ہلز، کمبائنڈ گیریژن، ڈیگیش فیڈر، دبئی مال 2000 آر ایم یو، گلوبل سٹی، گوہر گرین سٹی، گرائنڈ وہیل، حرمین بلڈرز، حریت نگر، کے ایچ اعظم اسٹریٹ، خیبر چوک، لبنیٰ فارم، ایم کے بلڈر، میکسمس، ایم ای ایس-105، نیو کمہارواڑہ، پنک پارک آر ایم یو، پرنس علی، ریڈ روز، ریسٹ ہاؤس، سیفرون انجینئرنگ، سرحد ری رولنگ، شہریار کلینک، شیخ زید، سدرا سٹی، اسپیکٹرم، سن رائز ایونیو فیز 7 ایکسٹینشن، سورتی مسلم سی ایچ ایس اور ٹیولپ ٹاور شامل ہیں۔
بیشتر علاقوں میں بجلی کی بندش صبح تقریباً 8 بجے سے 10 بجے کے درمیان شروع ہوگی جبکہ بحالی شام 5 بج کر 29 منٹ سے شام 6 بجے تک متوقع ہے۔
متعلقہ حکام نے شہریوں سے اپیل کی ہے کہ وہ مینٹیننس کے دوران پیش آنے والی عارضی پریشانی پر تعاون کریں اور ضروری امور پہلے سے نمٹا لیں۔
