گوگل نیوز پر ہمیں فالو کریںدنیا بھر میں گوشت کی قیمت اس کے ذائقے، نایابی اور چکنائی کے معیار پر منحصر ہوتی ہے۔ جو گوشت جتنا نایاب اور لذیذ ہو اس کی قیمت بھی اتنی ہی زیادہ ہوتی ہے۔ کچھ اقسام تو اتنی قیمتی ہیں کہ ان کا ایک پاؤنڈ ہی عام آدمی کے ماہانہ خرچے کے برابر ہے۔
1. جاپانی کوبے بیف (Kobe Beef)
یہ گوشت جاپان کے ہیؤگو علاقے میں پالے جانے والے جاپانی بلیک نسل کے گائے سے حاصل ہوتا ہے۔ اس میں موجود باریک چکنائی (ماربلنگ) اسے مکھن جیسا نرم اور ذائقہ دار بناتی ہے۔
کوبے بیف کو A5 گریڈ دیا جاتا ہے، جو جاپان کا سب سے اعلیٰ معیار ہے اور صرف مخصوص علاقے اور نسل کا گوشت ہی کوبے کہلا سکتا ہے۔
2. اولیو واگیو (Olive Wagyu)
یہ کوبے بیف سے بھی زیادہ نایاب ہے۔ جاپان میں چند گائیں خاص طور پر زیتون کے چھلکے اور گودے سے بنے چارے پر پالی جاتی ہیں۔ اس سے گوشت میں ہلکی میٹھی خوشبو اور نرمی آتی ہے۔
چونکہ اس کی پیداوار انتہائی محدود ہے اس لیے اسے دنیا کے سب سے مہنگے گوشتوں میں سے ایک مانا جاتا ہے۔
3. امریکن واگیو (American Wagyu)
یہ جاپانی واگیو اور امریکی بلیک اینگس گائے کا ملاپ ہے۔ اگرچہ یہ جاپانی معیار تک نہیں پہنچتا، مگر پھر بھی اس میں زیادہ چکنائی، نرم ساخت اور بہترین ذائقہ پایا جاتا ہے جس کی وجہ سے یہ مہنگا سمجھا جاتا ہے۔
4. فِلے مینیون (Filet Mignon)
یہ گائے کے ٹینڈر لُوئن حصے سے حاصل ہوتا ہے جو سب سے نرم اور نایاب گوشت مانا جاتا ہے۔ ایک گائے سے صرف ایک پاؤنڈ فلے مینیون حاصل ہوتا ہے اسی لیے یہ ہوٹلوں میں سب سے مہنگا اسٹیک سمجھا جاتا ہے۔
5. آئبیریکو ہیم (Iberico Ham)
یہ اسپین کا مشہور سُکھایا ہوا سور کا گوشت ہے جو آئبیریان نسل کے کالے سوروں سے حاصل کیا جاتا ہے۔ یہ سور بلوط کے میوے (acorns) کھا کر موٹے کیے جاتے ہیں جس سے گوشت میں ایک خاص گری دار خوشبو پیدا ہوتی ہے۔ اس گوشت کو تیار ہونے میں کئی مہینے لگتے ہیں اسی لیے اس کی قیمت آسمان سے باتیں کرتی ہے۔
6. بریس چکن (Bresse Chicken)
فرانس کا یہ خاص مرغ چکنز کا چیمپین کہلاتا ہے۔ ان مرغوں کو قدرتی ماحول میں آزاد چھوڑ کر مخصوص خوراک دی جاتی ہے جس سے ان کا گوشت خوشبودار اور لذیذ بن جاتا ہے۔
7. واگیو رِب آئی (Wagyu Ribeye)
واگیو گوشت کا سب سے پسندیدہ حصہ رِب آئی ہے جو چکنائی اور ذائقے کے متوازن امتزاج کی وجہ سے خاص مانا جاتا ہے۔ یہ اسٹیک عام طور پر صرف عالمی معیار کے ریستورانوں میں پیش کیا جاتا ہے۔
دنیا کے ان مہنگے ترین گوشتوں کی قیمتیں ہزاروں ڈالر فی کلو تک پہنچ جاتی ہیں لیکن ان کا ذائقہ، خوشبو اور نرمی واقعی لاجواب ہوتی ہے۔
