گوگل نیوز پر ہمیں فالو کریںکراچی: معروف پاکستانی ماڈل اور میزبان متھیرا نے بھارتی اداکارہ اور متنازع شخصیت راکھی ساونت کو انتہائی مسئلہ خیز قرار دیتے ہوئے ان کے ساتھ اپنے انٹرویو کے تجربے کو نہایت دشوار اور ناخوشگوار بتایا ہے۔
میتھیرا، جو کم عمری سے ہی پاکستانی میڈیا میں متحرک ہیں اور اپنی بے باک شخصیت، خوبصورتی اور صاف گوئی کے باعث جانی جاتی ہیں، نے ایک حالیہ گفتگو میں راکھی ساونت کے ساتھ کیے گئے انٹرویو کی تفصیلات شیئر کیں۔
ان کے مطابق راکھی ساونت کے ساتھ بات چیت کرنا بہت مشکل کام تھا کیونکہ وہ گفتگو کے دوران نہ کسی کو بولنے دیتی تھیں اور نہ ہی سوالات کا موقع دیتی تھیں۔
متھیرا نے کہا کہ راکھی ساونت کی گفتگو کا انداز مکمل طور پر بدتمیزی پر مبنی تھا، وہ کسی کو بولنے نہیں دیتی تھیں اور مسلسل اپنی مرضی کی باتیں کرتی رہتی تھیں۔ انہوں نے بتایا کہ انہیں سختی سے انٹرویو کے دوران یہ یقینی بنانا پڑا کہ راکھی اپنی روایتی بدتمیزی نہ دکھا سکیں۔
خیال رہے کہ راکھی ساونت چند ماہ قبل اس وقت پاکستانی میڈیا کی سرخیوں میں آئیں جب انہوں نے یہ دعویٰ کیا کہ پاکستانی اداکار ڈوڈی خان نے انہیں شادی کی پیشکش کی ہے اور وہ پاکستان کی بہو بننا چاہتی ہیں۔ اس دوران انہوں نے پاکستان کا دورہ کرنے کا بھی دعویٰ کیا تھا۔
متھیرا کے مطابق انٹرویو کے دوران راکھی کا رویہ اس قدر بے قابو تھا کہ انہیں بارہا گفتگو روکنی پڑی۔ انہوں نے کہا کہ راکھی ساونت ایسی شخصیت ہیں جو تنازعات اور بے ادبی سے شہرت حاصل کرتی ہیں، اسی لیے ان کے ساتھ کسی سنجیدہ گفتگو کی گنجائش نہیں رہتی۔
